Os éxitos no atletismo galego para esta fin de semana non quedaron só nos másters. Os Sub 18 tamén terían os seus campionatos en Valencia. A Selección Galega de Campo a través estaría en Zaragoza e os lanzadores na súa cita nacional de lanzamentos longos en Motril. Alba Cuns acadou a medalla de bronce no concurso de triplo ata os 12.34 metros.
No Campionato de España de lanzamentos longos destaca o metal de bronce de Carmen Sánchez. A Selección Galega absoluta feminina acadou un cuarto posto na táboa xeral no Campionato de España de Campo a través. A máis salientable foi Uxía Pérez sendo duodécima na categoría absoluta/ Sub 23.
Alba Cuns voa no concurso de triplo ata os 12.34 metros
O Palau Velodromo Luis Puig acolleu a expedición de galegas e galegos que viaxaron para disputar o Campionato Nacional Sub 18 de Pista Cuberta en Levante. As atletas e os atletas volveron cun total de dúas medallas, dous récords de Galicia e sete postos de finalistas. Entre elas estaría Alba Cuns do Atletismo Negreira no concurso de triplo voou ata os 12.34 metros.
Esta marca permitiu a Alba Cuns acadar a medalla de bronce. Con este salto, mellorou a súa marca personal en 13 cm. volvendo ó podio nesta nova categoría logo de que o ano pasado fora campioa de España Sub 16. No mesmo concurso Diaou Diallo do Ria Ferrol lograría unha boa quinta posición de finalista con 12.21 metros.
Na proba dos 3.000 metros onde se conseguíu un fantástico subcampionato nacional a cargo de Pedro Vázquez Bueno do Real Club Celta quen na final establecía un rexistro de 8:41.9. Con este rexistro o fondista pontevedrés repite a medalla de ouro.
O ano pasado no nacional Sub 16 de Sabadell conseguiu o mesmo metal. Na mesma carreira salientable o quinto lugar de Antón Martínez da Escola Atlética Lucense quen entraría nunha meritoria quinta posición con 8:47.44 (MMP).
Lola Bouza, do ADAS Proinor, quedou quinta no concurso de pértega con 3.40. Lucía Sánchez del Valle da Atlética Lucense nas probas combinadas sumou un total de 3.645 puntos. Da mesma maneira, a súa marca representa un récord galego Sub 18.
Sen abandoar esta modalidade, Aitor Fernández da Atlética Lucense sería sexto cunha mellor marca personal de 4.367 puntos ocupando Pablo Alonso do C.A. Santiago, un novo posto de finalista para os nosos no concurso de altura, logo de saltar ata os 1.88 m. e mellorar tres centímetros a súa marca personal.
O céltico David Ngwudile nos 400 m. onde logo de terse clasificado de maneira brillante para a final da distancia establendo un novo récord galego con 50.19. Tería problemas na mesma que o relegarían
ata a quinta posición nunha proba na que reúne unhas excelentes cualidades.
Carmen Sánchez, bronce no Campionato de España de lanzamentos longos
A lanzadora do Unicaja, Carmén Sánchez, no concurso de xavelina mandaba o artefacto ata os 49.44 metros. Este fixo que a atleta afincada na Coruña acadara a medalla de bronce no Campionato de España de lanzamentos longos.
Carlos Revuelta do Maratón en Martelo chegaba ata os 61.49 m. que lle daban o sexto lugar polos 56.96 m. de Irene Gómez do Valencia que facían que ocupase o sétimo posto. Para rematar décimo posto da Gimnástica Andrea González en xavelina con 37.17 m. e o noveno en martelo de Yago Araújo do Real Club Celta con 55.33 m.
Uxía Pérez, duodécima na categoría absoluta/ Sub 23 en Campo a Través
A galega Uxía Pérez quedou nunha duodécima posición no Campionato de España de Campo a Través. Xunto os puntos dela (10), os de Ester Navarrete (21), os de Marta Casanova (22), os de Ángela González (30), e na reserva os 40 e 50 de Leticia Fernández e Sandra Mosquera, a Selección Galega feminina acadaría un cuarto posto.
O plantel galego absoluto feminino quedou a tan só 26 puntos de conseguir o bronce. A primeira posición foi para a Selección de Madrid con 30 puntos, o segundo para Castela A Mancha con 33 e nunha terceira situaríase Castela e León.
No resto de categorías sexto posto para os Sub 23 homes; oitavo lugar para as Sub 20 mulleres, e décimos postos para os absolutos e Sub 20 homes.
A nivel individual foi a segunda posición do El Medhi El Nabaoui quen debutaba este ano na categoría Sub20 da mellor das maneiras posibles. Destacado tamén foi a quinto lugar que ocuparía Tariku Novales na categoría Sub23.
