Ainoha García competirá no Europeo sub21 e no Europeo júnior de pesos olímpicos de taekwondo. A deportista glaega logrou a clasificación continental proclamándose campioa no seu peso no Multi European Games que se celebrou en Sofía. Pola súa parte, Nuria Cernadas tamén competiu, pero rematou na terceira posición polo que subiu ao podio pero non competirá nos outros campionatos europeos.
Na primeira xornada da categoría júnior o equipo da Federación Galega de Taekwondo sumou cinco medallas, dous delas ouros, unha prata e outros dous bronces. Sergio Troitiño sumou un dos ouros, na categoría +78 kg, mentres que a prata foi para Adrián Salanova en -68kg. Por último, Samuel Meilán acadou o outro bronce galego, nos -50 kg.
Dúas galegas no podio júnior dos Multi European Games de taekwondo
A taekwondista Ainoha García, do Couto, comezou o seu camiño nesta competición continental vencendo na primeira rolda á grega Anna Maria Tziouma cun 19-2. No seguinte combate, máis igualado, foi quen de gañar a Sandic Zorana (9-4).
Na semifinal, a rival da galega foi a francesa Khalida Haddad, nunha proba moi axustada, na que García logrou manter a súa vantaxe. Na final, a deportista do Couto non tivo rival. Ainoha García foi tremendamente superior á checa Izabela Ranecha (1-21) e logrou desta forma proclamarse campioa dos -68 kg.
Pola súa parte, Nuria Cernadas, do Natural Sport, subiu á terceira posición do podio no peso +68 kg. Nos cuartos de final, a galega foi quen de derrotar á francesa Rahma Imam cun 2-5. Na semifinal enfrontouse á que posteriormente sería campioa nos Multi European Games, Zehra Begun Kavukcuoglu, ante a que caeu sen opcións de poder coa turca.
Estes resultados engádense aos acadados polas taekwondistas cadetes, con medallas para Noa Romero, Ada Hermelo e Nadia Bouzas.
O taekwondo galego cadete suma un ouro e dous bronces no Europeo
