Os puntos seguen sen chegar para o Dépor ABANCA, que acumula xa cinco derrotas consecutivas na Liga Iberdrola. Aínda así, o vestiario móstrase unido e confiado no seu xogo e de que con traballo os resultados chegarán. A encargada de pasar por rolda de prensa foi a centrocampista Ainoa Campo, que insistiu na importancia de pensar no próximo encontro contra o Sevilla FC en Riazor, sen perder tempo “para lamentos” e traballando en “corrixir o nosos erros”.
Ainoa Campo, fútbolista do Dépor ABANCA: “Non estamos encontrando eses pases por dentro, eses pases filtrados e creo que é porque necesitamos coordinar os movementos das nosas mediocentro e as dianteiras no momento do pase”
A centrocampista recoñece que un dos principais fallos, que impide que as xogadas de ataque tradúzanse en goles, son os problemas do equipo na saída de balón. “Non estamos encontrando eses pases por dentro, eses pases filtrados e creo que é porque necesitamos coordinar os movementos das nosas mediocentro e as dianteiras no momento do pase. Temos que ter máis mobilidade nesas posicións de ataque para que continuamente haxa movementos de ruptura”, analizou.
Ainoa Campo, fútbolista do Dépor ABANCA: “Temos que ter máis mobilidade nas posicións de ataque para que continuamente haxa movementos de ruptura”
A isto, Ainoa Campo engade o feito de que, por mor do coronavirus, os equipos levaban moito tempo sen xogar nunha liga cun nivel “cada vez máis alto”. Porén, a futbolista sostén que nalgún encontro o Dépor ABANCA si mereceu puntuar ou incluso gañar. “Estivemos practicamente en todos os partidos con opcións ata o final”, declarou a palentina.
Ainoa Campo, fútbolista do Dépor ABANCA: “Estivemos practicamente en todos os partidos con opcións ata o final”
Unha idea na que “crer ao 100%”
A derrota fronte ao Real Madrid non acaba cos ánimos das deportivistas. Para Campo, que xa viviu malos inicios de liga noutros equipos, a clave para saír desta complicada racha é “o traballo, confiar unhas xogadoras noutras, confiar no corpo técnico, ter unha idea e crer todas ao 100% nela”. Sobre isto non ten dúbidas e móstrase segura de que o equipo ten calidades para que os resultados acaben chegando.
Un deses equipos nos que Ainoa Campo tivo uns primeiros partidos difíciles foi o propio Real Madrid (antes coñecido como o Tacón), no que estivo xogando ata o seu fichaxe polo Deportivo para esta tempada. Unha decisión da que asegura que non se arrepinte, xa que o proxecto branquiazul lle convenceu para vir xogar á Coruña.
Ainoa Campo, fútbolista do Dépor ABANCA que antes foi xogadora do Tacón (antigo Real Madrid): “Non me arrepinto de elexir ao RC Deportivo “
O apoio das compañeiras de equipo está sendo moi importante para ela neste período de adaptación, no que está xogando como mediocentro e como central, ambas posicións nas que se atopa “cómoda” e nas que xa conta coa experiencia de varias tempadas. Neste sentido, afirmou que xogará onde Manu Sánchez decida, sempre intentando aportar o máximo ao equipo.
Ainoa Campo soña con xogar en RIAZOR – ABANCA
O encontro fronte ao Sevilla será o primeiro partido en Riazor, un estadio que cualifica como “espectacular” e o “soño de calquera persoa”, cun céspede que “está incrible para poder desenvolver o noso xogo”. A palentina asegura que xogar no estadio municipal RIAZOR – ABANCA suporá unha “motivación extra” para as xogadoras deportivistas que “axudará a que as cousas vaian saíndo e a seguir traballando e a estar motivadas para o partido contra o Sevilla”. Ainoa Campo espera que Riazor se convirta nun amuleto para conseguir os primeiros puntos na competición.
Podes ver a súa rolda de prensa completa aquí:
