Madrid acolleu as galas de celebración e homenaxe aos futbolistas máis destacados da pasada temporada. Por unha banda celebrouse a I Gala de Premios AFE no Casino de Madrid na que Ainhoa Marín foi recoñecida como a mellor xogadora da liga Reto Iberdrola 2021-2022.
A deportista deportivista Ainhoa Marín recibiu o seu galardón de mans do exjugador branquiazul e actual directivo de AFE Dani Giménez. Karim Benzema (Primeira) Jonathan Viera (Segunda), Alexia Putellas (Liga Iberdrola), Pablo Torre (Primeira RFEF I) e Sergio Arribas (Primeira RFEF II) completan o cadro de honra das principais categorías do fútbol español.
Ademais da I Gala de Premios AFE E na que se galardoou á futbolista do Dépor ABANCA, a sede da Real Federación Española de Fútbol (RFEF) en Las Rozas foi o escenario da entrega dos premios Golsmedia no que se recoñecía como mellores xogadores da pasada temporada a dous deportivistas: Ian Mackay como mellor porteiro de Primeira Federación Grupo I; e Iván García Espinosa, futbolista incorporado ao Fabril, gañador do premio ao Mellor Xogador en Xuvenil División de Honra Gº VI, na Temporada 2021/2022 co Arucas CF.
A lesión sufrida a pasada fin de semana impediu a Ian Mackay recoller persoalmente o recoñecemento en Madrid.
