Catro anos despois, o vínculo entre Ainhoa Lacorzana e o Celta Zorka Recalvi remata. A sevillana deixa o club co que se competiu na Liga Feminina 2 desde a tempada 2018/2019.
O equipo despediuse da andaluza en redes sociais, recalcando que “rimos, choramos, medramos e desfrutamos e fixéchenos mellores. De celeste, nesta terra e neste club. Desexámosche o mellor na túa nova etapa. GRAZAS AINHOA”.
Pola súa banda, Ainhoa Lacorzana agradeceu o cariño e o apoio recibido nos últimos anos, pero tamén “por facerme soñar”. A súa mensaxe concluía cun “Sempre unha das vosas”.
Os números de Ainhoa Lacorzana
Nesta derradiera tempada, na que o Celta rozou o ascenso á máxima categoría, a xogadora sevillana disputou un total de 339:14 minutos, anotando 81 puntos.
De media, Lacorzana tivo un acerto do 51,7% desde o tiro libre, sendo este o seu mellor tiro. A xogadora tivo tamén unha media de 2,4 rebotes por partido, 1,5 asistencias e unha valoración de 3,7.
A sevillana foi unha das artífices da gran tempada celeste, na que as de Cantero chegaron a xogar a fase final polo ascenso á LF Endesa. Este resultado final, estando entre as mellores da Liga Feminina 2, permítelles competir na LF Challenge no próximo curso.
Nace a LF Challenge, unha nova categoría para o baloncesto español
