Neste 2021, a Asociación Galega de Xestión Deportiva (AGAXEDE) convoca a XII edición dos Premios Galicia á Xestión Deportiva. Os galardóns nacen co obxectivo de distinguir as persoas e entidades que destacan, pola súa contribución no desenvolvemento e excelencia, na xestión deportiva de Galicia, con categorías como a xestión con perspectiva de xénero.
O prazo para enviar propostas segue aberto, ata o 30 de setembro, e deberán enviarse ou depositarse na sede de AGAXEDE, mediante entrega directa, corre postal ou correo electrónico a coordinacion@agaxede.org. Unha proposta pode presentarse con candidaturas a diferentes categorías do premio, sempre a través do formulario oficial.
O acto de entrega está previsto para o último trimestre do 2021. O xurado do mesmo estará composto pola persoa que ocupe a presidencia da AGAXEDE ou quen delegue, designada nunha sesión da Xunta Directiva e estará asistido por un secretario, encargado de recibir e ordenar as propostas presentadas e a documentación.
Os Premios Galicia á Xestión Deportiva divídense en nove categorías:
- Premio á xestión deportiva con perspectiva de xénero
- Premio á xestión deportiva de inclusión social
- Premio á xestión sostible no deporte
- Premio ao mellor patrocinio deportivo
- Premio ao mellor estudo ou innovación
- Premio á mellor entidade privada
- Premio á mellor entidade pública
- Premio ao mellor concello menor de 15.000 habitantes
- Premio á mellor persoa xestora deportiva
Podes consultar aquí as bases completas dos Premios:
