Adrienne Motley volve a Vigo, volve ao Celta Zorka Recalvi. O club celeste acaba de pechar a incorporación da escolta estadounidense para o que queda de tempada en LF2.
Esta non é a primeira vez que Motley forma parte do Celta. Xa xogou coa camisola celeste na tempada 18/19, curso no que competiu en 18 partidos ata que o seu progreso viuse freado por unha lesión. Ata o momento dese parón forzado, a xogadora levaba unha media de 14 puntos e 5 rebotes.
Agora retorna ao pavillón de Navia procedente da Liga grega, que foi cancelada por mor da pandemia de COVID-19. Os primeiros pasos de Motley no baloncesto foron no seu país natal, formando parte do Miami University. No 2017 foi drafteada por Indiana Fever e tivo en Suecia a súa primeira experiencia profesional antes de recalar no Celta Zorka Recalvi.
Motley adestra individualmente mentras o Celta segue confinado
A escolta xa se atopa en terras viguesas, onde adestra a nivel individual mentras o resto do plantel continúa co illamento necesario polo positivos en COVID-19 dentro do club.
Así, a nova fichaxe xa poderá participar no próximo partido oficial do Celta, previsto para o 6 de febreiro contra o Vega Lagunera Adareva Tenerife. O encontro da 18ª xornada da LF2, contra o Extremadura Miralvalle Plasencia, está adiado e pendente dunha nova data.
