A Real Federación Española de Fútbol comunicou a última hora da tarde do venres o adiamento do encontro da Primeira Iberdrola entre o Deportivo ABANCA e a Real Sociedade, previsto en principio para mañá sábado 21 de decembro en Abegondo (13:00 horas, GOL).
O ente federativo apóiase na alerta metereolóxica por temporal de vento e choiva emitida pola Xunta de Galicia, que obrigou tamén á Federación Galega a suspender todos os partidos de fútbol 11 e fútbol 8 na comunidade.
O Dépor ABANCA márchase de vacacións de Nadal. Manu Sánchez citou de novo ás súas xogadoras o luns 30 de decembro ás 17:00 horas en Abegondo para regresar aos adestramentos. Inícianse así antes do previsto as vacacións do equipo feminino do RC Deportivo
A próxima cita ligueira será a visita ao Valencia CF Feminino, o luns 6 de xaneiro ás 18:30 horas no Estadio Antonio Puchades en Paterna, en partido correspondente á 15ª xornada na Primeira Iberdrola.
