Ao detectarse “varios positivos por COVID-19 no Palencia Turismo“, o partido que as leonesas ían disputar contra do Rubensa Porriño na División de Honra Prata do balonmán español ten que ser adiado.
O Balonmano Porriño informaba na súa páxina web desta circunstancia. O cruce estaba previsto para as 18:00 de hoxe, sábado 10 de outubro, no pavillón da vila galega.
O Palencia Turismo ten a actividade do seu equipo sénior suspendida, debido a que se detectou un positivo por coronavirus, até que “as circunstancias o permitan”, pero dudábase se podería viaxar a Galicia o filial.
Finalmente, segundo explica na súa web o conxunto palentino a decisión do aprazamento correspondeu ao Comité Nacional de Competición da RFEBM que atendeu a unha petición do Club Balonmano Palencia Femenino (CBPF) alegando, dunha banda, que a normativa derivada do ‘confinamento perimetral’ de Palencia impide viaxar ao Palencia Turismo; e, por outra banda, que tras o positivo por COVID-19 no equipo senior, hai que seguir uns protocolos marcados polas autoridades sanitarias que son imposibles de cumplir antes do 10 de outubro”.
Descoñécese aínda a posible data de celebración deste cruce da terceira xornada de Liga.
