O derbi galego que este sábado debían disputar Conservas Orbe Rubensa Bm Porriño e Mecalia Atlético Guardés no Municipal porriñés tivo que ser adiado por mor dunha serie de positivos no conxunto visitante.
A Real Federación Española de Balonmán decretaba o aprazamento definitiva do encontro na mañá de hoxe venres. Seis casos positivos de coronavirus no seo do bloque do conxunto miñoto foron os causantes desta situación, xa que a normativa federativa determina un mínimo de cinco casos para aprobar un aprazamento.
Deste xeito, logo de informar debidamente ao club da Louriña, a entidade guardesa solicitou formalmente o aprazamento o xoves pola tarde. A RFEBM confirmou dito requerimento á mañá seguinte e ambos conxuntos facían pública a nova a través das súas canles sociais.
🚨APRÁZASE O DERBI
➡️Temos seis positivos en covid no noso plantel.
➡️Tras informar ó @BmPorrino, solicitamos o aprazamento á @RFEBalonmano, que ven de confirmalo.
➡️As seis xogadoras atópanse ben de saúde, illadas nas súas casas.
➡️Esta tarde faranse novas probas. pic.twitter.com/FlRnem9TTD— Mecalia Atlético Guardés (@Atlguardes_ofic) February 18, 2022
⚠️ APRAZADO O DERBI DE MAÑÁ
🔴 Hoxe pola mañá a @RFEBalonmano confirmaba o aprazamento do partido
Dende o Balonmán Porriño enviamos moitos ánimos ás xogadoras do @Atlguardes_ofic e desexámoslles unha pronta recuperación💪🏾
Vémonos pronto‼️ pic.twitter.com/uK0ymtbfBP
— Club Balonmano Porriño (@BmPorrino) February 18, 2022
Porriño e Guardés acordarán conxuntamente a nova data do derbi
A principios de semana, o Mecalia Atlético Guardés detectou o primeiro dos casos, ao que inmediatamente seguiu un segundo. A previsión do conxunto da Guarda era xogar igualmente, mais con todo, nas probas realizadas na tarde do xoves xurdiron catro novos positivos, o que provocou a activación inmediata do mecanismo para solicitar o adiamento do encontro. Ademais, na tarde de hoxe venres está previsto que se efectúen novas probas en previsión de que poidan xurdir máis casos de COVID-19.
As seis xogadoras afectadas atópanse en bo estado de saúde, cunha sintomatoloxía moi feble e illadas nos seus domicilios con todas as medidas de seguridade sanitaria pertinentes para esta tipoloxía de situacións.
Agora, ámbolos dous clubs deberán acordar a nova data para a desputa do encontro. As relacións entre ambas as entidades son excelentes, polo que nos próximos días decidirán entre as dúas cando se disputará o derbi.
O adestrador do Conservas Orbe Rubensa BM Porriño, Ismael Martínez, quixo desexarlle unha ótima recuperación a todas as xogadoras afectadas e a mostrar o seu desexo de que a contenda poida desputarse na fin de semana para que deste xeito sexa unha gran festa para todas as persoas asistentes ao Pavillón Municipal do Porriño.
🤾 Desde o @BmPorrino mandan o seu apoio ás xogadoras do @Atlguardes_ofic Hai seis casos positivos
🎙️Isma Martínez: “A situación é a que é. Só nos queda apoialas. A saúde é o que prima. Esperemos que se xogue na fin de semana para que a festa sexa completa” pic.twitter.com/7ruEDefO6G
— En Xogo tvG2 (@EnXogo_tvG2) February 18, 2022
