Adi Iglesias suma a súa segunda medalla nos Xogos Paralímpicos de Tokyo 2020. A corredora lucense cruzou a meta en segundo lugar na distancia de 400m categoría T13 polo que se fixo coa prata nesta modalidade.
A galega completou os 400m nun tempo de 55.53 que supón bater a súa mellor marca persoal nesta distancia. Adi Iglesias que dou so a 0.53 da campioa, Lamiya Valiyeva. A corredora de Azerbaijan cruzou a liña de meta cun crono de 55.00 e asinou un novo récord paralímpico nesta distancia dos 400m.
Na saída da proba a atleta galega parecía quedar atrás, pero empezou a remontar ata poñerse primeira durante boa parte da proba. Xa nos últimos 50m a deportista de Azerbaijan, Lamiya Valiyeva, foi mellor ca galega.
Non hai que esquecer que Adiaratou Iglesias estase acostumando aínda a esta distancia e que os seus fortes son os 100m e os 200m polo que esta prata paralímpica constitúe aínda moito máis mérito deportivo para a lucense.
🏃♀️ #GaliciaOlímpica
Grande, @AdiIglesias!
Fíxose coa🥈Prata nos 400M T13 cun tempo de 55.53.
Parabéns!
🥇O ouro foi para a corredora de Azerbaijan Lamiya Valiyeva cun crono de 55.00.
▶️Mira aquí os tempos 👇 https://t.co/sd7osrrBfh pic.twitter.com/hpfQrwTHR2— fundaciondeportegalego (@fdeportegal) September 4, 2021
Hai uns días, Adi Iglesias debutaba nos seus primeiros Xogos Paralímpicos na distancia de 100m T13 e facíase co ouro proclamándose campioa.
Agora, sube de novo ao podio e suma a ese primeiro lugar un segundo e, con elo, unha medalla de prata. A evolución desta corredora lucense, que aínda é moi nova, está a ser brillante.
Ver esta publicación en Instagram
Consulta aquí os tempos da final dos 400m T13 na que Adi Iglesias foi prata
