Os 100 e 400 metros lisos agardan a Adi Iglesias nos Xogos Paralímpicos de Tokyo 2020. A deportista está xa na burbulla de concentración do equipo español. Comparte cuarto con outra atleta galega, Desirée Vila. A terceira atleta galega en Toquio será Susana Rodríguez Gacio, que ademais de en triatlón, tamén pistará a pista para correr no estadio olímpico. A competición atlética comeza o venres día 27 deste mes.
Adi Iglesias será unha das máis importantes e destacadas atletas galegas palímpicas que acudan a Tokyo 2020, tal e como salienta a Federación Galega de Atletismo.
A lucense, que é a actual campioa e plusmarquista galega absoluta sobre os 100 m. e 200 m. con 11.83 e 24.31 respectivamente, xa sabe o que estar subida no podio nunha competición internacional.
Nos paramundiais de Dubai do 2019 lograba uns espectaculares resultados deportivos cas dúas medallas de prata tanto nos 100 como nos 200 m, volvendo este ano ao máis alto nos paraeuropeos de Polonia onde lograba os títulos continentais sobre os 100 m. e os 400 m. Sería precisamente nesta última distancia, na que estaría obrigada a competir, na que lograba o récord europeo con 55.70, lembran desde a FGA.
Adi Iglesias compite tamén en probas sen discapacidade
A enorme calidade e determinación de Adiaratou (conta só cun 20% de visión) permítelle tomar parte en competicións contra outros atletas sen discapacidade que a levarían tanto a encabezar o ranking galego absoluto como a lograr dúas medallas de bronce no nacional Sub23 de Sevilla do ano pasado.
Lonxe de conformismos, a súa intención e ficar no CAR de Madrid ao seu regreso dos Xogos Paralímpicos, onde poderá seguir ca súa evolución como atleta e simultaneala cos seus estudos de fisioterapia.
Na actualidade, Adi Iglesias está concentrada nunha das burbullas que o Equipo Paralímpico ten para os seus 227 compoñentes, onde convivirán entre eles aillados do exterior durante 14 días seguindo un control exhaustivo de probas médicas ata a súa partida cara Tokyo 2020 o vindeiro día 19 de agosto.
