Chegou o ansiado día do debut nos Xogos Paralímpicos para á lucense Adi Iglesias. A velocista do Lucus Caixa Rural corre esta madrugada que vai de luns a martes, a proba clasificatorias dos 100m.
As quendas na distancia dos 100m para a categoría de T13, discapacidade visual, está previsto que se disputen ás seguintes horas: 3:30h, 3:38h e 3:46h. Se Adi Iglesias se clasifica para a final, a proba decisiva dispútase tamén o martes 31 de agosto pero xa nun horario máis accesible, contra as 13:10 horas.
A atleta galega parte como unha das favoritas ao ser campioa de Galicia, España, Europa e subcampioa mundial. Adoita correr os 100m e os 200m, pero en Tokyo 2020, non afrontará a segunda das distancias e pásase directamente dos 100m aos 400m.
Palmarés de Adi Iglesias
Entre o palmarés de Adiaratu Iglesias Forneiro atópanse dúas pratas no Mundial Paralímpico de Dubai do 2019, dous ouros no mesmo ano no Campionato de España de persoas con discapacidade, outros dous no 2020 e campioa de Europa en 100m e 400m na edición do 2021, entre outros éxitos. Tamén é campioa galega absoluta nas súas modalidades desde o 2019.
Xa desde a concentración burbulla previa ao desprazamento a Toquio, Adi Iglesias e a tamén galega Desirée Vila comparten cuarto e vivencias. Nas redes sociais véselles gozar da experiencia dos seus primeiros Xogos sen deixar de ter presente a importancia do momento deportivo que viven.
Xuntas non deixaron pasar a ocasión de facerse a foto de rigor cos agitos, símbolo dos Xogos Paralímpicos, eso si, con pirueta, ou na cerimonia de inauguración da competición. Tamén acudiron ao Estadio Olímpico a probar saídas de tacos.
Logo desta primeira proba, Adi Iglesias competirá nos 400m T13, o xoves 2 de setembro desde as 14:21 horas. De chegar á final nesta distancia final será o sábado 4 de setembro ás 3:08 horas.
Ver esta publicación en Instagram
