O Pabellón Esperanza Lag acollía a pasada fin de semana a volta dos cuartos de final da liga Guerreras Iberdrola. O Conservas Orbe Rubensa Bm Porriño e o Atticgo Bm Elche veríanse as caras por quinta vez esta tempada. O equipo porriñés buscaba a remontada na casa das valencianas, que conseguiran gañar na ida por un 20-24. Neste segundo partido o resultado foi 25-21 para as locais.
O Atticgo Bm Elche puxo en xogo a bóla, pero neste primeiro ataque non conseguiu atopar portería. Si que o faría Aitana Santomé abrindo a súa conta persoal. Pola súa banda, o equipo ilicitano non anotaría o seu primeiro gol ata pasados os dous minutos a través de Tessa Van Zijl.
Pasados o primeiros cinco minutos do encontro, o equipo porriñés tiña o resultado ao seu favor tras o gol de Paulina Buforn. A defensa ilicitana co paso dos minutos aumentou a súa intensidade que dificultaba o modelo de ataque do conxunto galego. En canto á defensa porriñesa había perdido forza e cun novo gol de Danila So Delgado sumaron a diferenza de dúas no electrónico. Diante iso, Ismael Martínez decidiu pedir tempo morto.
Alcanzo o ecuador da primeira metade, o resultado púxose a favor do equipo local cun 7-4. Con todo, aparecería de novo Aitana Santomé penetrando a defensa local para recortar distancias. O equipo valenciano estaba a manter a diferenza de tres goles cunha gran axuda na súa portería de Nicole Morais.
Esta primeira parte estaba a ter especial protagonismo o traballo das porterías de ambos os equipos. O Conservas Orbe Rubensa Bm Porriño estaba bloqueado á hora de realizar os ataques e non sería ata o minuto 17:16 que Buforn rompería ese bloqueo goleador.
Minuto 23:45, Pipy Wolfs poñería a diferenza de seis goles a favor do Atticgo Bm Elche (12-6). Por iso, o técnico porriñés viuse obrigado a solicitar un novo tempo morto. O Conservas Orbe Rubensa BM Porriño atopábase fóra de partido e non estaba a atopar un sopro de aire. O Atticgo conseguira facer un parcial de 0-6 desde o último gol de Buforn, pero que rompería Alicia Campo desde os seis metros. A primeira parte terminou cun gol de falta directa de Sarai Samartín (16-9).
O BM Porriño chegaba ao descanso perdendo 16-9
Deu inicio a segunda metade coa perda do Conservas Orbe Rubensa BM Porriño que permitiu ao Atticgo Bm Elche correr ao contrataque, pero Bego Otero impediullo. Diante iso, a resposta ofensiva do conxunto porriñés viño da man do gol de Malena Vales a través dos sete metros.
O Atticgo Bm Elche estaba intratable e estaba a poñer un muro ás do Porriño diante a esperanza dunha posible remontada. En defensa, o Conservas Orbe Rubensa coa súa 6:0 non estaba a obter resultados favorables á hora de parar o rápido ataque das locais.
Pasados os primeiros 10 minutos desta última parte, o marcador continuaba a favor das locais cun 19-13 e que non tardaría en aumentar a renda Clara Gascó. Os erros estaban a ser claves para as porriñesas que non daban dado a volta ao marcador diante a intensidade defensiva do Atticgo Bm Elche .
Malena Vales estaba a ser a encargada de botarse o equipo ás costas para non aumentar máis as distancias xunto coas actuacións en portería de Otero. Entrado o último cuarto de partido, o electrónico marcaba un 20-14 para o Atticgo Bm Elche .
O Conservas Orbe Rubensa Bm Porriño non se atopaba, pero continuaban loitando por reducir as distancias. A falta de cinco minutos para o final do encontro, o equipo de Isma Martínez reducira os goles a tres de diferenzas 20-23.
As perdas pasáronlle factura ás porriñesas e o partido chegou ao seu fin co Atticgo Bm Elche como gañador cun 25-21, por tanto pasarían á seguinte rolda dos play-off polo título da liga Guerreras Iberdrola.
O Conservas Orbe Rubensa Bm Porriño pecha así esta magnífica tempada, situándose entre os oito mellores equipo da máxima categoría do balonmán feminino nacional e asegurándose unha tempada máis nela.
FICHA TÉCNICA
25) ATTICGO BM ELCHE: Ekatherina Zhukova (1), Tessa Van Zijl (3), Celia Guilabert (2), Patricia Méndez (3), Nuria Andreu, , Danila So Delgado (1), Clara Gascó (4), María Flores (1), Zaira Benítez (1), María Carrillo, Pipy Wolfs (5), Paola Bernabé (2), Alexandra Do Nascimento (2), Raquel Moré, Nicole Morales e Pamela Rodrigues.
21) CONSERVAS ORBE RUBENSA BM PORRIÑO: Carolina Bono (1), Micaela Casasola (2), Alicia Campo (1), Malena Valles (5), Inés Hernández, Aitana Santomé (4), Ariana Portillo, Maider Barros (1), Sarai Samartín (1), Paulina Buforn (5), Carmen Prelchi (1), Carme Castro, Fátima Ayelén, Estela Carrera e Begoña Otero.
MARCADOR CADA CINCO MINUTOS: 2-3, 5-3, 7-4, 9-5, 13-6, 16-9 – DESCANSO – 17-11, 19-13, 20-14, 22-17, 23-20 e 25-21.
EQUIPO ARBITRAL: A parella arbitral estivo formada por Oriol Álvarez e Raúl Escoda. Por parte do Conservas Orbe Rubensa Bm Porriño excluíron a Paulina Buforn. E nas filas do Atticgo Bm Elche excluíron a Pipy Wolfs e Patricia Méndez.
INCIDENCIAS: Partido correspondiente á volta dos cuartos de final polo título da Liga Guerreras Iberdrola.
