Logo dunha gran tempada, o Cidade de As Burgas GLS di adeus ao ascenso á Primeira División do Fútbol Sala feminino da RFEF. As ourensás caeron derrotadas en Murcia na cancha do La Boca Te Lía Alcantarilla por 3-1. Este resultado déixaas fóra da seguinte eliminatoria do play-off.
Non puido ser. O Cidade de As Burgas GLS espertou en Murcia do sono de retornar o vindeiro curso á elite estatal. As galegas perderon e quedan eliminadas.
Aguantaron o 0-0 toda a primeira metade, e no 23 de partido incluso foron quen de adiantarse no marcador 0-1 con gol de Clara Fernández. Non pasou un minuto para que a alegría se diluise nas filas do Cidade de As Burgas GLS. O LBTL Futsal Alcantarilla empataba o partido 1-1 no minuto 24. Once despois anotaba o 2-1 que poñía por diante as locais. E de inmediato, no 36, chegaría o definitivo 3-1. Os últimos cinco minutos Manolo Codeso optou polo xogo de cinco pero as galegas non remontaron o marcador adverso.
O conxunto que adestra Manolo Codeso pensa xa no seguinte curso e en acadar na tempada 2022-23 o ascenso que este ano non conseguiron.
No pudo ser !
Aquí se termina el sueño.
Gran partido, pero dos fallos en defensa nos cuesta la eliminatoria.
Enhorabuena @LBTLFutsal y suerte en la siguiente eliminatoria— Cidade de As Burgas FS (@cidadeasburgas) June 11, 2022
