- O ADAS-CUPA foi o triunfador na edición de 2022 do Campionato Xunta de Galicia de Clubs de Campo a Través.
- Entre as gañadoras en termos individuais figuran: María Cedrón (absoluta), Xela Martínez (Sub-18), Amparo Corredoira (Sub-16) e Branca Fernández (Sub-20).
O Concello de A Rúa era escenario da disputa do Campionato Xunta de Galicia de Clubs de Campo a Través a onde acudían preto dunha vintena de conxuntos da nosa comunidade a tomar parte nesta competición de atletismo.
Nesta edición do ano 2022 o máis salientable foron os triunfos en ambas categorías absolutas do ADAS-CUPA quen desta maneira conseguía revalidar os títulos acadados o ano pasado na Illa das Esculturas de Pontevedra. O equipo gañador, ADAS-CUPA foi liderado por María Cedrón e por Ignacio García que conseguían impoñerse nas súas respectivas carreiras sumando a maiores os vermellos, o campionato galego na modalidade de relevos mixto, segundo informa a Federación Galega de Atletismo.
Ocuparon postos de podio nesta categoría absoluta o Atletismo Femenino Celta e S.D. Compostela Atletismo en mulleres, repetindo novamente os compostelanistas da S.D. Compostela Atletismo un posto de honra xunto á formación do Club Atletismo Ribadeo na masculina.
No resto, cabe salientar os triunfos por equipos da Atlética Lucense quen se fixo cos títulos nas categorías Sub-18 e Sub-16 femininas así como na Sub-18 masculina, recaendo as primeiras posicións respectivamente nas lucenses Xela Martínez, Amparo Corredoira e Héctor Rodríguez do C.D. La Purísima.
O título na categoría Sub-20 foi para a Sociedad Gimnástica en mulleres e para o Real Club Celta en homes con Branca Fernández e Mateo Rodríguez asumindo a función de líderes das súas formacións.
Por último nos Sub-16 e Sub-23 homes, triunfo no colectivo para A.D. Fogar e C. Atletismo Santiago nunhas carreiras que foron gañadas respectivamente por Asheber Díaz da Agrupación Viguesa e por Roi Estévez do Atletismo Santiago.
Resultados do Campionato Xunta de Galicia de Campo a Través 2022:
| 10:00 | Relevo mixto | Lista de Saída | Resultados |
| 10:30 | Sub16 feminina | Lista de Saída | Resultados |
| 10:50 | Sub18 masculina | Lista de Saída | Resultados |
| 11:20 | Sub20, sub18 feminina & sub16 masculina | Lista de Saída | Resultados |
| 11:45 | Sub20 masculina | Lista de Saída | Resultados |
| 12:20 | Absoluta feminina & sub23 masculina | Lista de Saída | Resultados |
| 13:05 | Absoluta masculina | Lista de Saída | Resultados |
