Co fin de unir forzas polo fútbol sala feminino herculino, e ante a primeira tempada onde dous clubs da cidade da Coruña militan nunha competición nacional do fútbol sala feminino, o Viaxes Amarelle FSF e o 5 Coruña FS chegaron a un acordo para que aquelas persoas socias abonadas de ambos os dous clubs poidan gozar de acceso gratuíto aos derbis que lles enfronten esta tempada 2021/2022.
Coa apertura das restricións de cabida nas instalacións da cidade desde o pasado 9 de outubro, e coa mente posta no primeiro derbi local en competición nacional de dous equipos da cidade, ambos os clubs iniciaron conversacións para chegar a un acordo que satisfaga á afección de ambas as dúas entidades, e que poidan gozar dos derbis que terán este ano na Segunda División do FutSalFem da RFEF.
Tras sopesar varias opcións, ao final optouse por ofrecer a entrada gratuíta aos encontros que enfronten ambos os clubs aos socios de ambos as dúas entidades herculinas.
Neste acordo, as entidades coruñesas informan que, por parte do 5 Coruña FS, poderán acceder sen custo os socios premium da entidade. Mentres que na escuadra laranxa terán acceso gratuíto todos aquelas modalidades de socias dispoñibles (individual, familiar e VIP), as cales se poden contratar dixitalmente a través da páxina web do Viaxes Amarelle FSF en la tienda del club.
A repartición de localidades dispoñibles farase en porcentaxe de que o equipo que actúe como local disporá do 60% das localidades dispoñibles no aforo do recinto no que se celebre o encontro deportivo. Mentres que o visitante terá opción de ocupar até un 40% das localidades dispoñibles cos seus socios.
O custo do entradas-donativo para os encontros oficiais durante a tempada estarán fixadas nun prezo de 5 euros.
O primeiro derbi deste acordo é esta fin de semana
O primeiro derbi da tempada poderase vivir este próximo sábado 16 de outubro de 2021 no Pavillón Municipal de Sagrada Familia da Coruña a partir das 18:00 horas, en partido correspondente á segunda xornada do Grupo 1 da Segunda RFEF Futsal Feminina. que enfrontará ao Viaxes Amarelle FSF co 5 Coruña FS.
A Coruña está lista para vivir o seu derbi como unha festa do fútbol sala feminino
