O CSD confirmou á RFEF que “profesionalizada” non é unha categoría
A Lei 10/1990 do Deporte establece, no seu artigo Artigo 46.1 a), que as competicións deportivas clasifícanse como oficiais ou non oficiais, e como profesionais ou non profesionais. Non existen as competicións profesionalizadas, e polo tanto, ata que sexa cualificada polo CSD como competición profesional, as ligas de fútbol feminino seguen sendo non profesionais.
Por iso, o CSD xa advertiu á RFEF, á hora de analizar as modificacións estatutarias suscitadas, que non existía dita categoría, polo que debía modificar esta nomenclatura. Así, a RFEF recoñece que esta denominación, que non cualificación, é únicamente “aos meros efectos internos e organizativos federativos”, tal e como pode comprobarse nos artigos 49 e 50 dos Estatutos RFEF, matiz que non foi destacado no comunicado.
Esta posibilidade de libre denominación non supón ningunha novidade. A 1ª e 2ª división de fútbol feminino, que tamén foron designadas pola RFEF como competicións “elite” ou ” pro”, xa viñeron sendo denominadas como “competicións de fútbol feminino profesionalizado de ámbito estatal” durante a presente tempada 2019/20 nas propias normas reguladoras da competición.
A ACFF insiste na necesidade de cualificar a Primeira División como profesional
Asociación de Clubs de Fútbol Feminino: “non podemos entender que se xogue cunha cuestión tan importante como é a cualificación como profesional do fútbol feminino”
A ACFF insiste na necesidade dunha 1ª División Nacional profesional
A ACFF segue insistindo na necesidade de cualificar como competición profesional á Primeira División de Fútbol Feminino, tal e como foi solicitado ao Consello Superior de Deportes o pasado 21 de maio.
