A Asociación de Clubs de Fútbol Feminino (ACFF) lanzou este martes a través das súas redes sociais un vídeo no que defende a profesionalización da Primeira División de fútbol.
Baixo o lema “Liga Profesional Feminina”, a asociación de clubs percorre os fitos que se foron sucedendo desde xaneiro de 2016, cando “chegou o cambio”. Desde a ACFF levan anos loitando por conseguir unha “Liga Profesional Feminina” e consideran que “chegou o momento”.
“Esperei 20 anos para pisar a herba. Os asentos estaban baleiros, todos os días. A televisión? Non para nós. Pero desde xaneiro de 2016 empezáronse a ver os nosos partidos con normalidade”, apunta. A Asociación de Clubs de Fútbol Feminino (ACFF) fomentou desde a súa creación a retransmisión en directo dos partidos. Contabiliza máis de 497, cunha audiencia anual de 6 millóns de espectadores.
Ademais, en 26 ocasións abríronse grandes estadios de LaLiga a partidos entre equipos femininos, con máis de 400.000 espectadores nas bancadas.
Chegada de Iberdrola como patrocinador principal
A patronal tamén destacou a chegada de Iberdrola como patrocinador principal da competición e a venda dos dereitos audiovisuais por 9 millóns de euros, ademais da firma do primeiro convenio colectivo.Por estas razóns, solicitou ao Consello Superior de Deportes (CSD) o recoñecemento da Primeira División feminina de fútbol como liga profesional.
#LigaProfesionalFemenina https://t.co/aQIG5U8o2d
— RC Deportivo (@RCDeportivo) July 7, 2020
A consideración de liga “non profesional” foi determinante para decidir o futuro máis próximo de competicións como a Primeira Iberdrola. Encorsetada como liga amateur e dependente da Real Federación Española de Fútbol (RFEF), a máxima competición feminina deuse por finalizada sen posibilidade de renovarse tras a pandemia, abrindo de novo o debate a disparidade de criterios entre ser ou non ser unha liga profesional.
#LigaProfesionalFemenina https://t.co/TXaGkAMeMc
— Mari Paz Vilas (@maripaz_vilas) July 7, 2020
A realidade é que a lei española e, máis concretamente, a Lei do Deporte de 1990 só establece tres competicións profesionais en España. Todas elas son masculinas: a Primeira e Segunda División de fútbol, correspondentes ás coñecidas comercialmente como LaLiga Santander e Smartbank, e a liga masculina de baloncesto (ACB).
Vero, Mari Paz e Miriam Ríos sumáronse á campaña
Á difusión do vídeo reaccionaron xa clubs como o Deportivo e xogadoras de renome como Miriam Ríos, Vero Boquete ou Mari Paz Vilas que consideran que “chegou o momento” de dar ese paso.
#LigaProfesionalFemenina https://t.co/LdONFWmbJH
— Verónica Boquete (@VeroBoquete) July 7, 2020
En España só teñen esta consideración tres competicións masculinas: a Primeira e Segunda divisións de fútbol e a liga ACB de baloncesto. Parece que agora está máis preto que nunca o cambio para que o fútbol e o deporte feminino dé un paso adiante e sexa considerado profesional.
