Ourense, co Aceites Abril CVO como anfitrión, é o escenario escollido pola Real Federación Española de Voleibol para disputar a fase de ascenso á Superliga Feminina 2. O campionato celebrarase en O Pompeo do 23 ao 25 de abril.
Un dos colaboradores desta organización será o Instituto Ramón Otero Pedrayo, que buscará a través desta oportunidade achegar o voleibol ao seu alumnado. O plantel do club ourensán visitará as aulas do centro os días previos á competición.
Así será a fase de ascenso na que participará o Aceites Abril
Nesta fase competirán seis equipos de Galicia, Asturias, Extremadura, Andalucía e Cataluña, que se confirmarán o próximo luns 29, coa realización do sorteo de grupos. Os conxuntos dividiranse en dous grupos de tres e os dous mellores de cada un xogarán as dúas prazas de ascenso.
Entre estes encontrase o propio Aceites Abril, que terá que agardar para coñecer aos seus rivais de grupo, cos que competirá para ter unha praza nas semifinais.
