O enfrontamento no Pompeo do Aceites Abril tiña como prolegómeno un emotivo minuto de silencio gardado en memoria de David Gómez. As ourensás querían seguir sumando de tres para enlazar cun trunfo ante o Universidad de Valladolid a súa anterior vitoria en terras salmantinas. Ademais, o Aceites Abril CVO sabía que imporse neste partido era importante para seguir nos postos altos e incluso escalar, algo que ao final aconteceu.
Logo da disputa desta xornada, o Club Voleibol Ourense está colocado na terceira posición da táboa clasificatoria. O trunfo das tamén galegas do CV Bruxas 3-0 ante o Fertiberia Los Campos colaborou nesta subida de posto das de Ourense.
Iniciábase o encuentro co equipo local moi concentrado e efectivo en todas as súas facetas do xogo, as visitantes eran capaces de aguantar no marcador até a recta final onde as ourensás desmarcábanse para pechar un gran parcial (25-18)
O inicio do segundo set foi máis a fortunado para o Aceites Abril CVO, o gran traballo desde o saque das xogadoras locais incomodaba ás valisoletanas que rapidamente se vían cunha importante diferenza de puntos na súa contra, esta situación favorable serviu para dar minutos ás xogadoras máis novas que conseguían pechar o set a pesar de sufrir para conseguilo (25-19).
Parecía que o Aceites Abril CVO estaba moi preto de pechar unha vitoria pola vía rápida pero non foi así, as xogadoras do o Universidad de Valladolid non se daban por vencidas e conseguían pechar o cuarto set ao seu favor cun gran saque no final do mesmo (21-25).
A reacción visitante puña moita tensión no encontro e as locais do Aceites Abril CVO que sabían que se non se recuperaban poderíase escapar o partido. Iniciaba o cuarto set con bastante igualdade na marca dor e cos dous equipos envorcados en cada acción do xogo, ata que as locais volveron á súa mellor versión desde o saque a cal foi suficiente para romper a recepción rival e poder así sel lareira un magnifico encontro ademais de sumar tres puntos moi valiosos (25 21).
Próxima saída do Aceites Abril, a Cantabria
O seguinte reto competitivo das ourensás as levará a terras cántabras para medirse co CV Astillero, penúltimas clasificadas ás que se enfrentan logo de que o CV Oviedo lles ganase por 3-0 nesta 17ª xornada de liga na Primeira División Feminina da RFEVB.
FICHA TÉCNICA
3) ACEITES ABRIL CLUB VOLEIBOL OURENSE.
1) UNIVERSIDAD DE VALLADOLID.
PARCIAIS: 25-18, 25-19, 21-25 e 25 21.
INCIDENCIAS: Partido disputado a porta pechada no pavillón do Pompeo en Ourense, correspondente á xornada do Grupo A da Primeira División Feminina do voleibol da RFEVB. Gardouse un minuto de silencio antes do choque en memoria de David Gómez.
