- O Aceites Abril Club Voleibol Ourense derrotou na gran final ao equipo catalán do Sant Quirze do Vallés por tres sets a cero levado polo aire por unha afección que abarrotou O Pompeo.
- O conxunto ourensán refíxose da derrota da primeira xornada e realizou unha emocionante competición con grandes remontadas.
- A colocadora ourensá Patri González foi elixida a MVP do torneo da Fase Final.
O Aceites Abril Club Voleibol Ourense alzouse co título de Campión da Fase Final da Primeira División Nacional Feminina de Voleibol que se disputou durante esta fin de semana no Polideportivo O Pompeo o que lle dá dereito a disputar a tempada próxima na Superliga Feminina de Voleibol. O equipo ourensán gañou cun voleibol de grandes quilates na gran final ao equipo catalán do Sant Quirze do Vallés por tres sets a cero nun partido no que foi levado polo aire polos afeccionados que encheron en polideportivo O Pompeo.
Os parciais de 25-21, 25-15 e 25-22 deixaron ben ás claras da igualdade dunha final onde as deportists que adestra Pablo Pérez levaron sempre a iniciativa no marcador. A xogadora máis valiosa do torneo tamén recaeu nunha xogadora local xa que a colocadora do Aceites Abril Club Voleibol Ourense, Patri González, conseguiu redondear unha sobresaliente competición á que chegaba minguada fisicamente porque arrastraba unha recente lesión no nocello.
Cabe destacar o enorme esforzo realizado por todas as xogadoras do conxunto ourensán durante os tres días de competición na que tiveron que afrontar catro encontros dunha enorme igualdade co consecuente desgaste físico.
Na primeira fase de grupos o Aceites Abril Club Voleibol Ourense compartiu competición no grupo A con o conxunto catalán do Sant Quirze do Vallés e o Fuentes de Andalucía sevillano onde se produciu un triplo empate xa que todos os partidos acabaron co mesmo tenteo de tres sets a un. Polo tanto tívose que recorrer ao coeficiente particular de puntos a favor e en contra que lle outorgaron o primeiro posto ao Aceites Abril Club Voleibol Ourense e o segundo a Sant Quirze e o seu consecuente pase a semifinais.
Semifinais da fase fina da Primeira División Nacional de volei
No grupo B a igualdade tamén foi a nota predominante xa que todos os equipos gañaron tamén un partido pasando a semifinais o Universidade de Granada como primeiro clasificado e Vallbona Decoexsa Granollers como segundo, quedando eliminado o Sayre canario que era un dos grandes favoritos da competición.
Nos partidos de semifinais da xornada do sábado pola tarde a emoción desbordouse xa que o Sant Quirze do Vallés desfíxose do Universidade de Granada por tres sets a un (23-25, 25-20, 25-15 e 25-23) e o Aceites Abril Club Voleibol Ourense protagonizou unha inesquecible remontada fronte ao Vallbona Decoexsa de Granollers nun partido que se achegou as dúas horas e cuarto e terminou cun tenteo de (21-25, 17-25, 25-15, 25-21 e 15-4) que provocou o delirio en O Pompeo cando xa pasaba de medianoite.
O terceiro posto de torneo foise para o Vallbona de Granollers que derrotou ao Universidade de Granada noutro partido a cinco sets (19-25, 23-25, 25-20, 25-23 e 11-15) e que demostrou a enorme igualdade entre os seis equipos desta fase final despregando un voleibol de altísimo nivel.
O Aceites Abril Club Voleibol Ourense vencía na final ao Sant Quirze
Para a gran final fronte ao conxunto catalán do Sant Quirze o adestrador local Pablo Pérez dispoñía ao completo de todo o seu bloque de xogadoras: Patri, Gladys, Paola, Parga, Bego, Candela, Krisvany, Itziar, Alba, Diéguez, Sara, Nerea e Lucía que fixeron que O Pompeo fose o xogador número oito que empuxou ao equipo nos momentos clave.
As ourensás levaron a iniciativa en todos os sets xogando con gran apromo e consistencia en todas as liñas cunha Nerea Piñeiro no labor de líbero que foi decisiva en todos os partidos, xunto á capitá Gladys e a consistencia da colocadora Patri que soubo dirixir con mestría o xogo ofensivo cara a Paola, Diéguez, Parga e Krisvany que martilleaban unha e outra vez a defensa rival.
As ourensás impuxéronse na gran final por un marcador de 25-21, 25-17 e 25-22 ao conxunto de Granollers ao que xa venceran na fase de grupos e que lle dá ao club ourensán o seu primeiro título de campión dunha competición nacional na súa categoría senior e que supón un recoñecemento ao gran traballo realizado por Club Voleibol Ourense durante os últimos anos no desenvolvemento deste deporte en Ourense con máis de douscentos cincuenta nenos e nenas nas súas categorías de base.
