O baloncesto tampouco escapa da crise mundial xerada polo Coronavirus. A pesar de que nun principio a Liga Endesa estaba suspendida ata o 24 de abril, os clubs acordaron non fixar unha data para a continuación da mesma e seguir en contacto nas próximas semanas para analizar a evolución da crise sanitaria e tomar así as decisións pertinentes. Deste xeito fíxoo público a ACB cun novo comunicado:
Comunicado ACB
“Os 18 clubs da ACB celebraron este xoves unha reunión informativa por videoconferencia para avaliar os efectos do período de suspensión temporal e continuar traballando en escenarios futuros”, di o comunicado. “En consecuencia, a ACB deixa sen efecto a data establecida para o 24 de abril, e analizará nas próximas semanas a evolución da crise sanitaria para tomar decisións”.
Antonio Martín, presidente da ACB, mostrou en nome de todos os clubs “a profunda dor polos estragos desta terrible pandemia”. “Acompañamos no sentimento ás familias que o están sufrindo e que non poden despedirse dos seus seres queridos”.
A nivel deportivo “o obxectivo de renovar a competición mantense intacto e analizaremos xunto aos nosos clubs a mellor maneira de conseguilo, asegurando sempre a saúde de todos os participantes”.
Desde o Ensino dan por finalizada a tempada
Manuel Durán, presidente do Durán Maquinaria Ensino da Liga Endesa xa pensa na próxima tempada. E se esta, por algunha razón, reanudárase, ten claro que o conxunto lucense pelexará “cos medios que temos”.
O presidente do Ensino recoñece que leva o confinamento “traballando en parte, coa empresa. Dedicámonos ao tema agrícola, é necesario darlle un servizo e permíteo a lei. No tema do club si é certo que está todo parado e cada un nas súas respectivas casas, evidentemente”.
Ante esta situación inédita no deporte, Manuel Durán explicou como transmitíronlle a mensaxe á plantilla: “A verdade é que nos colleu de sorpresa, como a todo o mundo, pero ben é certo que o primeiro día que se puxeron as cousas máis complicadas xuntamos ao primeiro equipo, a todo o persoal e adestradores, e expuxemos como estaba todo este problema”.
O máximo dirixente do club lucense falou sobra a reunión mantida coas xogadoras: “Moitas xogadoras querían quedar, pero ao final da reunión case todas decidiron irse. Porque xa se falaba de pechar aeroportos e demais e as estranxeiras forónse aos seus paises de orixe. Acordamos, para que non o perdan todo, porque quedaban dúas mensualidades, que unha a pagaba o club e a segunda non cobran porque non se vai a xogar. E aceptaron á primeira porque entenden a situación perfectamente”.
Manuel Durán, presidente do Ensino: “Quedaban dúas mensualidades, que unha a pagaba o club e a segunda non cobran porque non se vai a xogar. E aceptaron á primeira porque entenden a situación perfectamente”.
Moitas xogadoras extranxeiras marcharon as súas casas pero Stanacev e Bea Sánchez optaron por quedar en Lugo: “Stanacev e Bea son as únicas que están aquí, pero están aquí porque, por exemplo, Bea dicía que para irse a Cádiz e estar na súa casa, podíase quedar en Lugo perfectamente. E Stanacev igual, no seu país non había apenas casos e aquí non se atopa mal. Decidiu quedar polo momento e ir valorando a situación. A súa parella é andaluza e se se complica por aquí, baixarán ao sur. Pero sabe que non vai estar mellor en Serbia”.
Manuel Durán, presidente do Ensino: “Stanacev e Bea son as únicas que están aquí. Decidiron quedar en Lugo polo momento e ir valorando a situación”.
“Dou o campionato rematado para as norteamericanas”
O galego da por finalizada a tempada para as norteamericanas: “Unha vez que se foron, chegaron ben e punto. O campionato douno por terminado este ano para elas. Seguen facendo o seu adestramento, o que lles pasou o noso adestrador. Pero o de volver a España… dubídoo moito”.
“Terían que volver dentro dun par de meses e non creo que estean para volver. E sería lóxico, porque só sería para tres partidos. No noso caso temos xa a salvación e só poderiamos loitar por un mellor posto nos playoff. Se ao final reanúdase a Liga, que o dubido moito, tiraremos da canteira, que temos equipo filial, e con dous ou tres xogadoras que quedan por aquí formaremos un equipo. Pero é implanteable, porque a maioría dos equipos teñen a todas as súas xogadoras fose. E traelas de novo supón un custo económico moi alto”, engade o presidente.
Manuel Durán, presidente do Ensino: “Se se reanuda a competición, que o dubido, tiraremos da canteira. Traer as norteamericanas de volta suón un custo económico moi alto”.
“Non imos investir nesta tempada, todo o que se faga será xa pensando na próxima”
As xogadoras norteamericanas non volverán ata a próxima tempada e desde o club xa pensan no vindeiro curso: “Fiona (Ou’ Dwyer) tamén se foi a Estados Unidos. A Richards non a deixaron entrar e foise a Australia, que ten alí parentes. Todas as xogadoras fóronse e xa non contamos con elas este ano. Para nós, diga o que diga a Federación, vai cambiar moi pouco. Se din que hai que continuar, continuaremos cos medios que temos. Pero xa non imos investir nesta tempada, todo o que se faga será xa pensando na próxima”.
Manuel Durán, presidente do Ensino: “Todas as xogadoras fóronse e xa non contamos con elas este ano. Para nós, diga o que diga a Federación, vai cambiar moi pouco. Se din que hai que continuar, continuaremos cos medios que temos”.
