Xa está aberto o período de inscricións para a San Silvestre de 2022 de Pontevedra. Este ano a o lugar para apuntarse nesta competición desprázase ao Mercado de Abastos. No momento en que as persoas interesadas se inscriban xa recollen o dorsal co que teñen que participar obrigatoriamente o día da carreira. Entregaranse dorsais ata esgotar existencias.
Segundo informa a Sociedad Gimnástica de Pontevedra, organizadora da cita deportiva xunto co Concello de Pontevedra, as datas e horarios para poder anotarse nesta carreira popular pontevedras son:
- Do martes 20 ao venres 23 de decembro so en horario de tarde, dende as 17:30h ata ás 20:30h.
- Do luns 26 ao venres 30 de decembro haberá dobre xornada. Pola mañá, dende ás 10:30h ata ás 13:30h; e en xornada de tarde dende ás 17:30h ata ás 20:30h.
- O sábado 31 de decembro, pódense inscribir so pola mañá, dende as 10:30h ata ás 13:30h.
“Para inscribir a outras persoas sen que estean presentes no momento da anotación, hai que ensinar unha autorización do titular, por exemplo, unha foto do DNI”, explican desde a organización.
🚨 XA vos podedes inscribir na #ss22po
📍Mercado de Abastos, #Pontevedra– Do 20 ao 23 ➡️ 17:30h – 20:30h
– Do 26 ao 30 ➡️ 10:30h – 13:30h e 17:30h a 20:30
– O 31 ➡️ 10:30h – 13:30h🛍️ Trae 1kg de alimentos imperecedoiros
💻 https://t.co/Lxcm2dguaj #sansilvestre pic.twitter.com/pLEsOn3gCv
— Sociedad Gimnástica (@SGimnastica) December 20, 2022
Ademais, a Sociedad Gimnástica de Pontevedra habilitou distintos puntos de información pola cidade do Lérez para que a veciñanza se poida informar da San Silvestre de Pontevedra. Xa estiveron activos o días 15 e 17 e volverána estalo o xoves 22 e venres 23 de decembro en horario de mañá e de tarde. Estarán sinalizados cunha carpa da Sociedad Gimnástica de Pontevedra. Quen se achegue poderá conseguir información sobre esta San Silvestre: horarios, entrega solidaria de alimentos, zumba, percorrido… información que, ademais, xa está dispoñible en liña no regulamento da carreira.
Neste stand nómade, que se colocará en distintos puntos de Pontevedra, pero sempre de forma ben visible, tamén haberá merchandising.
O lema para esta edición de 2022, que fai a 39ª, desta carreira popular é “A dar todo o que che queda por dar este ano”.
Unha San Silvestre solidaria
No momento da inscrición, as persoas interesadas teñen que levar un produto de alimentación imperecedoiro que será entregado á Rede Axuda. É dicir, o programa social do Concello de Pontevedra, que o repartirá entre as entidades que máis o necesiten.
Ademais, dende a Sociedad Gimnástica de Pontevedra, agradecen que, no momento de recoller o dorsal, tamén se faga unha “aportación voluntaria de 1€ por dorsal para sufragar os gastos da carreira e apoiar a labor da nosa entidade sen ánimo de lucro na promoción do atletismo da nosa comarca”.
