O presidente do Club Balonmán Porriño , Abel Estévez, mostrouse moi contento tras o anuncio da renovación do corpo técnico da primeira plantilla: “É unha noticia fundamental para nós”. Á súa vez, unha vez xa coñecida a proposta da Xunta Directa de suspender definitivamente os campionatos de clubs, e á espera da súa confirmación, os diferentes equipos da Liga Guerreras Iberdrola comezaron a anunciar as súas renovacións e fichaxes.
Por iso, a primeira renovación que ten lugar no Club Balonmán Porriño é a do seu corpo técnico: Ismael Martínez (adestrador do Conservas Orbe Balonmán Porriño), Gerardo Carrera (2º adestrador do Conservas Orbe Balonmán Porriño) e Ana Alonso (preparadora física do club).
“O proxecto do club é precioso”
“Decidimos continuar porque o proxecto do club é precioso, a longo prazo e entendemos que estamos a dar pasos, a pesar de que fose un ano complicado. A confianza depositada en nós, tanto por parte da directiva como por parte das xogadoras, fixéronnos ver que moitas cousas fixéronse ben.” declara Ismael Martínez ante a súa renovación.
Ismael Martínez, adestrador do Porriño: “Decidimos continuar porque o proxecto do club é precioso, a longo prazo e entendemos que estamos a dar pasos, a pesar de que fose un ano complicado”.
Xa orientados cara a un futuro, o técnico recoñeceu que entre os obxectivos está en seguir crecendo como club en todos os aspectos. Ademais, engade que “non queremos volver pasar os apuros desta tempada, esperamos empezar mellor o ano que vén e sufrir moito menos”.
Ismael Martínez, adestrador do Porriño: “Non queremos volver pasar os apuros desta tempada, esperamos empezar mellor o ano que vén e sufrir moito menos”.
“Foi moi fácil dicir si”
Doutra banda, Gerardo Carrera cóntanos “decidín renovar porque estou moi ilusionado coa tempada que vén e con moitas ganas de facelo ben para quitarnos este mal sabor desta última. Esta é a miña casa, o club e Abel saben que estou para traballar e axudar en todo canto poida. Foi moi fácil dicir si”.
Gerardo Carrera, 2º adestrador do Porriño: “Esta é a miña casa, o club e Abel saben que estou para traballar e axudar en todo canto poida. Foi moi fácil dicir si”.
“É onde quero estar”
Por último, Ana Alonso cóntanos o porqué da súa decisión “decidín renovar porque estou moi cómoda e é onde quero estar, ademais o club e o corpo técnico portáronse moi ben comigo e nunca houbo ningún problema”.
Ana Alonso, preparadora física do club: “Decidín renovar porque estou moi cómoda e é onde quero estar, ademais o club e o corpo técnico portáronse moi ben comigo e nunca houbo ningún problema”.
“A renovación do corpo técnico é unha noticia fundamental para nós”
Despois destas boas novas no club galego, o presidente, Abel Estévez mostrouse moi contento “a renovación do noso corpo técnico é unha noticia fundamental para nós… Son o motor do noso club e buscamos estabilidade.” E engade que os plans de futuro da entidade: “o noso proxecto é a longo prazo, son adestradores de moi alto nivel, cualificados e cun gran espírito de club.”
Abel Estévez, presidente do Porriño “O noso proxecto é a longo prazo, son adestradores de moi alto nivel, cualificados e cun gran espírito de club.”
