- Na cerimonia da Gala do Deporte de Abegondo participou o alcalde, José Antonio Santiso. Na cita entregáronse galardóns tanto a equipos nas súas respectivas disciplinas como a deportistas individuais. Entre das deportistas premiadas estiveron a skater Sabela Fernández, a amazona Ainhoa Calviño e a futbolista Laura Cetina
Onte, sábado 18 de xuño, celebrouse na finca Os Loureiros a 11ª Gala do Deporte de Abegondo na que participou o alcalde de Abegondo, José Antonio Santiso, e os concelleiros, Alberto Seoane e Luís Freire Pérez, xunta á concelleira Francisca Bestilleiro.
Á cerimonia, que se recuperou tras dous anos de pandemia, acudiron preto de 400 persoas. Os equipos premiados nesta edición foron:
- O equipo Alevín Todo Deporte da Escola Municipal de Balonmán por ser os campións galegos absolutos Liga Hummel.
- O equipo Benjamín Todo Deporte dá Escola Municipal de Balonmán por ser os campións galegos absolutos Liga Hummel e campións de Copa.
- O equipo Benjamín Gas Abegondo dá Escola Municipal de Balonmán polo título de campións galegos da liga Viaxes Interrías
- O equipo Infantil San Tirso B por ser os campións da categoría infantil de 1ª Galicia
- O equipo Modesto do Club Vizoño SD de Fútbol pola consecución do ascenso a categoría 1ª Galicia
- O equipo Alevín de promoción de Ximnasia Rítmica e á adestradora Patricia Pardo do Río polo seu pódium no Campionato Provincial.
- O equipo Cadete de promoción de Ximnasia Rítmica pola súa pódium no Campionato Provincial
Por outra banda, os deportistas premiados foron:
- Roi Calviño Rabon e Ainhoa Calviño Rabon por ser gañador e terceira clasificada, respectivamente, no Campionato de España de Hípica
- Martín Alberto Barbeito Sanjurjo por ser Campión galego de -42Kg de Judo
- Xavier Morandeira Lodeiro por ser subcampión galego na modalidade de Tiro Olímpico.
- Sabela Fernández Villarquide por ser a campioa galega no circuíto de Skate Júnior Sub 12.
- Aaron Amor Pardo por ser subcampión galego de Ximnasia Rítmica
- Xoán Fernández Rodríguez pola súa traxectoria como xogador de balonmán este ano.
- Laura Cetina Fernández á mellor deportista no Campionato Nacional de1ª división de Fútbol.
- Martín Rioboo Miño polo título de campión na categoría de Campo Aberto de Motociclismo.
- Víctor Fernández Rodríguez por ser o primeiro deportista abegondés en debutar na liga ASOBAL de Balonmán
- Antonio (Tom) Cagiao Chas pola súa participación na liga Genuine Santander
Máis recoñecementos do Concello de Abegondo
Por último, outorgouse un especial recoñecemento por parte do Concello de Abegondo ao Moto Club Abegondo, a Luís Ínsua Beade, Félix Barbeito Vázquez, Tino Dans Grela, Jose Manuel Matínez Solleiro, Alejandro Mejuto García, Rocío Vázquez Reino, Pilas Canas Capela, Laura Lejo Vilariño e Rocío Caamaño Seijo.
Desde o Concello de Abegondo quixeron felicitar a todos os premiados e premiadas, equipos e deportistas, polos resultados obtidos e “por levar co nome de Abegondo alá por onde van e compiten. É un absoluto orgullo para o noso municipio contar con tanta calidade e talento”, sinalou Santiso.
