O Dépor ABANCA deberá afrontar un cambio de ciclo para competir na Reto Iberdrola. Non hai alternativa, ante un plantel con múltiples saídas e que desde o club terán que emendar.
Ás saídas de Lady Andrade, Bedoya e Athenea, súmanse catro máis, as de Esther Sullastres, Stephannie Blanco, Noe Bermúdez e Gaby García.
Sullastres: “É moi duro marcharse da que consideras a túa casa”
A porteira catalá Esther Sullastres deixa o Dépor ABANCA cun emotivo vídeo de despedida, recordando as súas dúas tempadas en Abegondo e mostrando o seu cariño polo club branquiazul.
“Deportivistas, hoxe despídome de todos vós”, comeza narrando a gardameta. A xogadora recorda como chegou á Coruña despois de 19 meses sen competir, recuperándose aínda dunha lesión de xeonllo sen un futuro claro.
Pero Sullastres volveu ao pleno rendemento, converténdose nunha peza importante no debuxo de Manu Sánchez. “Nos meus primeiros días vin como unha cidade enteira apoiaba a un equipo recentemente ascendido á elite, chea de ilusión. Recordo os primeiros partidos da tempada, ese fatídico día en Riazor, un punto de inflexión no camiño para redirixir o rumbo e despegar, agora si imparables”, continúa, en referencia ao partido ante o Granadilla.
Con imaxes das primeiras paradas, os primeiros goles, Abegondo transformado en fortín, Sullastres recoñece que “non vivira nada así en catorce anos na elite”. Máis aló da Liga, a porteira tamén recorda a Copa: “Como esquecer o 7-2 en Riazor, ante máis de 7.000 persoas. Como esquecer o póker de Peke, a festa que se estaba vivindo nas bancadas e se respiraba desde o verde. Por días como este fun futbolista”, sentencia.
A cancerbeira destacou tamén o duro partido ante o FC Barcelona, cun Dépor ABANCA que caeu só no último momento. Días despois, a pandemia paralizaba o mundo.
Sullastres: “Por días como este fun futbolista”
“Pecamos de éxito e esta tempada non estivemos á altura”, recoñece a futbolista, recordando a falta do público na bancada. “Hoxe despídome de vós tras unha tempada dura a nivel emocional, e voume doída por non ter cumprido o obxectivo. Non nacín deportivista, pero dous anos aquí bastaron para empaparme da cultura dun club histórico, dun club señor. Son unha afortunada por ter levado estas cores. Fun feliz, e ao final iso é o que importa na vida”, resume.
Despois de deixalo todo sobre o verde, chegando ao seu límite, Sullastres vaise “satisfeita co feito, pero non co obtido. Sinto que é o momento de deixar ao lado tantos momentos vividos”.
Esther Sullastres: “Non é a categoría deportiva, trátase da categoría humana e profesional”
Porén, a propia xogadora confesa que “despois do fatal desenlace desta tempada o meu único obxectivo era devolver ao equipo a Primeira, non me importaba estar en Segunda División. Non con obxectivos, motivacións ou razóns. Percibo que a tempada ía ser igual de monótona e carente de todo elo unha vez máis. Non é a categoría deportiva, trátase da categoría humana e profesional”.
Sullastres: “É moi duro marcharse da que consideras a túa casa”
“Tiven moita sorte por ter vestido as cores do Dépor ABANCA. Lévome un trozo de historia, unha cultura, unha lingua e moita xente que fixo que a miña estancia aquí fora moi feliz. É moi duro marcharse da que consideras a túa casa. Espero de corazón que o Dépor volva colleitar éxitos moi pronto e siga escribindo historia na elite do fútbol español. Grazas”, conclúe.
Ver esta publicación en Instagram
Blanco: “Quédome co cariño da afección”
Outra das futbolistas que deixa a entidade coruñesa é Sthepannie Blanco. A internacional costarricense non seguirá co Dépor ABANCA en Reto Iberdrola, e tamén quixo deixar unha mensaxe á afección nas súas redes sociais.
“Hoxe pongo fin a esta tempada no Dépor. Grazas a esta institución por abrirme as portas para vivir esta experiencia. Malia os altos e os baixos desta tempada, quédome co bo”, comeza.
A xogadora quixo agradecer o apoio recibido de todos os compoñentes do club: “Grazas corpo técnico, compañeiras coas cales puiden coincidir, tiven o luxo de coñecer a grander persoas”.
Stephannie Blanco: “Grazas por facerme sentir en casa”
Blanco recoñece que foi un curso difícil para o Dépor ABANCA. “Tocounos vivir a cara amarga do fútbol, pero tamén un ano de moito aprendizaxe”, reflexiona. “Quédome tamén co cariño da afección, malia todo sempre estiveron presentes e apoiando ao equipo. Grazas por facerme sentir en casa”.
“Deséxolle o mellor e moita sorte no que está por vir. Forza Dépor”, remata.
Ver esta publicación en Instagram
Pero Blanco non é a única costarricense que perde o Dépor ABANCA. A gardameta Noe Bermúdez tampouco seguirá co equipo coruñés na segunda división.
Despois de ter un rol secundario no club branquiazul, Bermúdez desvincúlase do equipo herculino e ficha polo Alajuelense, do que xa formou parte no pasado.
Gaby: “Levarei as cores no meu corazón por sempre”
Outra das baixas confirmadas é a de Gaby. A xogadora tamén quixo despedirse cunha mensaxe de agradecemento para o club. “Dicir adeus nunca foi fácil, e faise moito máis difícil cando se trata de despedirte de algo que por moito tempo formou parte de ti. Un club, un equipo e moito máis que iso, UNHA FAMILIA que apostou por min e deume a oportunidade de vestir estas cores, as cales levarei no meu corazón por sempre”, confesa.
Gaby: “Grazas por considerarme un membro máis desta GRAN familia”
A mediocampista venezolana, centenaria co Dépor ABANCA, quixo reiterar o seu agradecemento “por esta gran oportunidade e por facerme parte deste proxecto e por considerarme un membro máis desta GRAN familia”.
A xogadora recoñece que a súa adaptación non foi doada, pero contou co apoio de “directivos, corpo técnico, compañeiras de equipo e afección”. Por iso agradece “o cariño e calor que me entregaron desde o principio. Quero dicirlles que sempre os terei presentes a TODOS como unha peza fundamental no meu crecemento persoal e profesional”, engade.
Gaby di adeus “con moita nostalxia, pero aínda así podo sentirme feliz de ter dado todo por esta camiseta que vestín con moito orgullo, dentro de fóra do terreo de xogo. GRAZAS TOTALES DEPORTIVO”, remata.
Ver esta publicación en Instagram
