O polideportivo municipal de Abegondo soará a balonmán este sábado, 5 de xuño. O recinto será a sede a Final 4 da liga galega de balonmán alevín mixto.
O alcalde do municipio, José Antonio Santiso, e o presidente da Federación Galega de Balonmán, Bruno López, presentaron hoxe a gran cita nun acto celebrado na casa consistorial. Tamén estivo presente o vicepresidente da Federación, Ignacio Permuy, e a coordinadora municipal de Deportes, Isabel Rodríguez.
A competición dirimirá o club gañador da liga galega de alevín mixto 7. Participará o club local, Abegondo Todo Deporte, os vigueses Nutrendo Seis do Nadal e A.D. Carballal, e o lucenses CP Lucense Masculino.
As semifinais enfrontarán aos dous primeiros ás 11.15 horas e aos dous segundos ás 10.00 horas. O terceiro e cuarto posto será ás 12.30 e a gran final ás 13.45 horas.
O rexedor destacou que o balonmán sempre contou con “gran arraigamento” en Abegondo e considerou como “un orgullo” que o municipio acolla a competición.
