- A XXXIX edición da Copa Galicia de Voleibol celebrarase o vindeiro día 17 de Setembro no Pavillón de A Xunqueira, Pontevedra para as categorías feminina e masculina con acceso libre ata completar as prazas reservadas para o público no recinto deportivo.
Este ano a competición, tanto masculina como feminina, se desenvolverá ao longo dun único día, concentrando así ao mellor voleibol galego no pavillón pontevedrés para o desfrute dos afeccionados e afeccionadas que se despracen dende toda Galicia a animar aos seus clubs.
Os catro equipos clasificados para esta edición da Copa Galicia loitarán polo título ao longo do sábado, estando programadas as semifinais de forma simultánea para as 10:00 horas na categoría feminina e ás 12:00 para a masculina. A quenda de tarde estará reservada para as finais, sendo estas ás 17:00 e 19:00 horas respectivamente, terminando ca entrega de trofeos.
A Federación Galega de Voleibol quere agradecer a colaboración da Deputación de Pontevedra, o Concello de Pontevedra e o seu Servizo de Deportes, así coma ao club local o CV Pontevedra, que fixeron posible a celebración desta Copa Galicia de volei na localidade e que dará o pistoletazo de saída á temporada de voleibol pista 2022/2023.
A continuación deixamos os cruces dos encontros da Copa Galicia a desputar ao longo do día, sendo o acceso libre ao público ata completar a capacidade para o público neste recinto deportivo pontevedrés:
Semifinais femininas da Copa Galicia:
- 10:00 CV Arenal Emevé (Lugo) vs CDPF Calasancias (A Coruña)
- 10:00 CV Autos Cancela Zalaeta (A Coruña) vs Aceites Abril Voleyourense (Ourense)
Semifinais masculinas da Copa Galicia:
- 12:00 Rotogal Boiro Voleibol (Boiro) vs Club Voleibol Vigo
- 12:00 Aldebarán San Sadurniño vs. Dumbría Volei (Dumbría)
