A Xira Galega de Balonmán Praia está a chegar á súa fin coa celebración da proba Concello de Marín – Copa Xacobeo. Desde este xoves, 22 de xullo, deu comezo o torneo no que participan ata 26 equipos femininos, con categorías de alevín a senior.
A Federación Galega de Balonmán presentou a proba, na que competirán 63 conxuntos inscritos, ao longo de catro días. Á fin da Copa coñeceranse aos campións galegos de balonmán praia deste ano.
No acto de presentación estivo presente o concelleiro de Deportes, Antonio Traba, e o presidente da Federación, Bruno López.
Ambos destacaron que para a celebración deste evento de balonmán se extremaron as medidas de prevención anti-COVID, debido ao incremento nos últimos días e solicitaron ás e aos participantes a máxima responsabilidade.
Os equipos femininos da Copa Xacobeo de Balonmán Praia
En categoría feminina, os conxuntos dividiranse en dous grupos. No A participan o BMP Espartanas SAR, o BMP Cangas Lemurs, o CB Playa Painkillers. No B están o Café Bar Bouza Lavadores A, o VEBA Water, o Merengue Merenge SAR e o Area Bueu.
En nivel cadete, o grupo A estará formado polo VEBA Water, o Merengue M. La Costurera BM Cañiza, e o Merengue Jardinería Rebanal SAR. O B está conformado polo BMP Pescados, o Balonmán Cangas – APL e o CB Playa Painkillers.
En xuvenil só hai un grupo, co CB Playa Painkillers, o Lavadores Petanca, o VEBA Water e o Merengue Merengue como competidores.
Finalmente, a categoría sénior contará con tres grupos. No A estarán o Merengue Merengue A, o VEBA Baywatch e o AC Kaló Painkillers B. O B terá ao VEBA Agua, VEBA Water e ao Lavadores Petanca. Finalmente, o C contará con BMP Espartanas, AC Kaló Painkillers e o Merengue Merengue Sarillas.
