A pesar dos pasos que está a dar a sociedade, (en materia de igualdade) aínda quedan moitas fendas por pechar, e o ámbito do deporte, é un fiel reflexo diso.
Os datos, indícannos que pese lograr a equidade en canto a éxitos, as deportistas e clubs femininos, non poden valerse só do seu talento e suor.
Precisamos espazo nos medios de comunicación, onde se vexan reflectidos os nosos esforzos e podamos ser as protagonistas, para que o deporte feminino deixe de ser unha loita continua fronte ás adversidades, e sobre todo, para a igualdade no deporte non sexa unha utopía.
Pilar Neira: Precisamos espazo nos medios de comunicación
A visibilidade é un reto pendente, para que as futuras xeracións teñan referentes e poidan inspirarse en mulleres.
Aínda que non poidamos controlar o vento, co nacemento de As Nosas, as velas quedarán axustadas.
Graciñas amigos, por axudar ao fomento da igualdade no mundo do deporte e darlle visibilidade e seguimento continuo aos nosos clubs e deportistas.
Celebraremos que os titulares de prensa non apunten só cara a unha dirección.
Actualmente preparadora do Distrito-Ventorrillo, equipo de fútbol sala do centro penal de Teixeiro, formado integramente por internos do penal.
Ex futbolista do Karbo CF, co que gañou tres Campionatos de España. Foi presidenta de Mudega e do Balonmán Coruña e tamén a primeira seleccionadora que tivo a Selección Galega de Fútbol Feminino.
Ten exercido como adestradora en disciplinas como fútbol, fútbol sala e fútbol praia.
