Athenea del Castillo foi citada para pola Selección Española promesas, que se corresponde co combinado estatal para a categoría Sub-23, para uns adestramentos que terán lugar en Marbella. A convocatoria será desde o vindeiro sábado 10 até o luns 12 do presente mes de abril. Alí coincidirá coas súas ex compañeiras no Dépor ABANCA, a galega Nuria Rábano (agora na Real Sociedad), e María Méndez (Levante UD), ambas as días forman parte das 24 futbolistas que recibiron a chamada para esta preparación.
A atacante do RC Deportivo ABANCA continúa coa súa progresión imparable no mundo do fútbol. Así, acaba de recibir o premio Fútbol Draft de Ouro 2019-2020 como interior dereita pola súa irrupción na Primeira Iberdrola a pasada tempada.
Athenea é unha deportista habitual nas citacións das categorías inferiores, e xa ten debutado coa Selección Absoluta feminina de España o pasado 23 de outubro de 2020 no Estadio da Cartuja de Sevilla fronte á República Checa, nun partido que rematou co resultado de 4-0.
Athenea perdeuse o partido co Madrid por sanción
No último partido disputado polo Dépor ABANCA, Athenea del Castillo non puido ser da convocatoria. A ariete branquiazul foi baixa por sanción, así a deportivista no puido xogar diante do Real Madrid en Abegondo.
Este é o listado de futbolistas convovadas para adestrar coa Selección Española Promesas:
- María Valenzuela LEVANTE UD
- María Méndez LEVANTE UD
- Berta Pujadas VALENCIA FÉMINAS CF
- Anna Torrodá VALENCIA FÉMINAS CF
- Asun Martínez VALENCIA FÉMINAS CF
- Candela Andújar VALENCIA FÉMINAS CF
- Aixa Salvador REAL BETIS BALOMPIÉ
- Rosa Márquez REAL BETIS BALOMPIÉ
- Oihane Hernández ATHLETIC CLUB
- Jana Fernández FC BARCELONA
- Bruna Vilamala FC BARCELONA
- Athenea del Castillo DEPORTIVO ABANCA
- María Llompart SD EIBAR
- Itziar Pinillos MADRID CFF
- Damaris Egurrola OLYMPIQUE LYONNAIS
- Noelia Ramos SEVILLA FC
- Claudia Pina SEVILLA FC
- María Inmaculada Gabarro SEVILLA FC
- Adriana Nanclares REAL SOCIEDAD
- Lucía Rodríguez REAL SOCIEDAD
- Amaiur Sarriegi REAL SOCIEDAD
- Ana Tejada REAL SOCIEDAD
- Nuria Rábano REAL SOCIEDAD
- Cecilia Marcos REAL SOCIEDAD
