A Unión de Federacións Deportivas Galegas (UFEDEGA) vén de constituír a súa nova xunta directiva para o período 2023-2027. Rafael Louzán tomou posesión de maneira oficial como presidente da Unión de Federacións Deportivas Galegas dando inicio o seu segundo mandato consecutivo.
A asemblea xeral da UFEDEGA apoiou a nova Xunta Directiva, na cal hai poucas novidades, as principais son as de Fredi Bea, presidente da Federación Galega de Piragüismo, Manuel Villaverde, presidente da Federación Galega de Vela e a de Manuel Fernández, presidente da Federación Galega de Padel.
Outra das incorporacións máis significativas son froito dos cambio de presidente nas Federacións Galega de Baloncesto e na Federación Galega de Caza, polo que Julio Bernárdez e Luis Eusebio Fidalgo substitúen a Francisco Mico e Javier Nogueira, respectivamente.
A directiva da Unión de Federacións Deportivas Galegas queda composta, de esta maneira por Rafael Louzán (presidente), Bruno López, presidente da Federación Galega de Balonmán (vicepresidente), Julio Bernárdez, presidente da Federación Galega de Baloncesto (secretario) e Juan Carlos Muñiz, presidente da Federación Galega de Ciclismo (tesoureiro).
Como vogais serán representantes, Jose Angel Luna, presidente da Federación Galega de Voleibol, Óscar Lafuente, presidente da Federación Galega de Kárate e D. A, Mario Muzas, presidente da Federación Galega Judo e D.A, Juan Carlos Eiriz, presidente da Federación Galega Taekwondo e D. A, Luis Eusebio Fidalgo Álvarez, presidente da Federación Galega de Caza, Nuria Rodríguez, presidenta da Federación Galega de Socorrismo, Fredi Bea, presidente da Federación Galega de Piragüismo, Manuel Villaverde, presidente da Federación Galega de Vela, Manuel Fernández, presidente da Federación Galega de Padel e Carmelo Galiñanes como coordinador Xeral da Unión.
Este novo equipo directivo xa está a traballar “na planificación de accións que axuden a mellorar as condicións do Deporte Federado Galego, co obxectivo principal de defender os intereses comúns das federacións”, informan desde UFEDEGA.
