A Unión de Federacións Deportivas Galegas (UFEDEGA) coa colaboración de Rafael Alonso, experto en dereito deportivo, impartiu, unha xornada de asesoramento sobre a aprobación de contas nas asembleas das federacións deportivas galegas, segundo informa a propia UFEDEGA.
Nesta xornada participaron os presidentes e secretarios xerais de máis de 20 federacións deportivas Galegas.
⚖️Máis de 20 federacións asisten a xornada de asesoramento legal sobre a celebración de Asembleas Federativas con Rafael Alonso. pic.twitter.com/q0bUOQuLwP
— UFEDEGA (@UFEDEGA_) September 11, 2020
A aprobación de contas nas asembleas federativas é un tema de vital importancia para as federacións nestes momentos, xa que tras o estado de alarma sanitaria a causa do COVID-19 saíron diferentes instrucións ao respecto que creaban algunha confusión.
Abriu a xornada Rafael Louzán, presidente da Unión de Federacións Deportivas Galegas, incidindo na importancia de estar cerca das federacións nestes momentos e ofrecendo a axuda da UFEDEGA a todas as entidades que o necesiten.
Rafael Alonso dividiu a súa conferencia en dous bloques, cando convocar a asemblea? e onde? No primeiro bloque facía referencia as datas para a celebracións das asembleas e no segundo bloque a forma de celebralas, de forma presencial ou utilizando as posibilidades que nos permiten as novas tecnoloxías.
Finalizou a xornada cunha rolda de preguntas na que Rafael Alonso respondeu a todas as cuestións expostas.
