Regresar e vencer. Unha vez máis a triatleta galega Susana Rodríguez Gacio subiu ao máis alto do podio. A viguesa regresaba á competición en terras lusas esta fin de semana e acadou o primeiro posto na categoría feminina PTVI na Alhandra World Paratriatlon Cup.
Antes da competición a deportista explicaba nas súa conta en Twitter que acudía á cita “tranquila, con seguridade, con moitas ganas, feliz e lista para dalo todo e, todo hai que decilo, aínda faltándome moito para estar en forma. É como volto, un ano despois, a afrontar a próxima Copa do Mundo en Alhandra”.
A paratriatleta Susana Rodríguez competiu xunto coa guía Sara e lucía antes da proba o seu dorsal con fachenda e ilusión por voltar á competición.
Race day! Ready for 2020 ITU Alhandra World Paratriathlon Cup 🇵🇹 with guide Sara! My 52nd international start, as always I will give my best! ❤️💪🏻 pic.twitter.com/R3DjEVoz4W
— Susana Rguez. Gacio (@SuRGAcio) October 10, 2020
Durante os tempos máis duros da pandemia a deportista galega viu como se suspendían probas, pero continuou adestrándose na casa e acudindo ao seu posto como MIR no CHUS a facer o seu traballo como doutora. Meses despois, coa súa formación académica xa completada, e co título de Medicina no peto, Susana Rodríguez Gacio vén de regresar á competición cun triunfo na súa primeira cita. Demostrando, unha vez máis, que é quen de conseguir meta tras meta na vida e o deporte.
Na mente de Susana Rodríguez está unha meta soñada, Tokyo 2020+1.
1era en World Cup Alhandra 🇵🇹, de vuelta de las vacaciones y con mucho trabajo por delante… pero FELIZ de volver a la línea de salida cuando por momentos este año me vi tan lejos de ella 😁❤️💪🏻 #staystrong #roadtotokyo pic.twitter.com/l1sBBDo2g4
— Susana Rguez. Gacio (@SuRGAcio) October 10, 2020
- 1º Héctor Catalá
- 1ª Susana Rodríguez
- 1º Dani Molina
- 1º Jairo Ruiz
- 1ª Marta Francés
- 2º Jota García
- 2º Kini Carrasco
- 2ª Carmen González
- 3º Lionel Morales
