Por terceira vez consecutiva, as xogadoras do Celta Zorka Recalvi suman dous puntos ao seu casilleiro coa vitoria na novena xornada de Liga Feminina 2 fronte ao Magec Tías “Contra la Violencia de Género”, cun 41-54 no marcador.
Este resultado manda ás canarias ao máis baixo da táboa clasificatoria, mentres que as celestes afianzan a súa segunda posición, seguindo de preto ao Baxi Ferrol.
A falta de acerto do Magec Tías facilita a vitoria do Celta
O encontro caracterizouse pola falta de acerto de ambos conxuntos desde o exterior, pero a baixa media anotadora das canarias, con 50,6 puntos de media, permitiu que o Celta se fixese coa vitoria.
Nos primeiros minutos do partido, as visitantes foron quenes tomaron a iniciativa do encontro e adiantáronse no marcador. O bo xogo de Maja Stamenkovic, quen sería a máxima anotadora da cita, viuse enfrontado aos esforzos locais, que comezaron a sumar no electrónico. O resultado era completamente inestable. Por momentos achegábase o empate e noutros as celestes marcaban a diferenza.
Así chegou o tempo de descanso, cun 19-30 a favor as visitantes, que reflexaba o baixo acerto fronte á canastra de ambos conxuntos. Esta distancia aumentou na segunda parte, cando as celestes deixaron o partido xa encarrilado ao seu favor, cun 22-39 no minuto 25.
No resto do encontro, o equipo dirixido por Cristina Cantero non baixou o ritmo e a diferenza non chegou a baixar dos 14 puntos. Coa comodidade acadada no duelo, Cantero deulle máis minutos a xogadoras menos habituales como Ángela Coello. A viguesa despuntou como a xogadora máis incisiva do Celta no ultimo tempo, permitindo unha vitoria por 15 puntos.
Como de costume, Celia García proclamouse MVP do encontro, con 18 créditos de valoración tras anotar 10 puntos e lograr oito rebotes. A nota amarga desta vitoria celeste estivo na lesión de Lacorzana no minuto 32, que está pendente de exame médico para cando regrese das illas.
FICHA TÉCNICA
41) MAGEC TÍAS CONTRA LA VIOLENCIA DE GÉNERO: Samira Olano (2), Iranzu Drake (5), María Esperanza Delgado (7), Carolina Mateo (6), Andrea Rodríguez (0) –cinco inicial-. Tamén xogaron: Sara Duarte (2), Alba Rodríguez (0), Carla Esther Medina (2), Maimouna Haidara (6), Natalía García (9), Nereida Bermúdez (2) e Mikela Riolo (0).
56) CELTA ZORKA RECALVI: Mariona Martín (5), Celia García (10), Rose Marie Julien (6), Maja Stamenkovic (15), Marita Davydova (5) -cinco inicial-. Tamén xogaron: Ainhoa Lacorzana (0), Noa Comesaña (2), Lucía Fontela (5), Clara Prieto (1) e Angela Coello (7).
PARCIAIS: 11-18, 8-12, 8-13 e 14-13.
ÁRBITROS: Roger Pinyol Fuertes e Alberto Gamero Luque. Sinalaron ata 19 faltas a Magec Tías e 17 faltas ao Celta Zorka Recalvi.
INCIDENCIAS: Partido correspondente á novena xornada da Liga Feminina 2 disputado na pista polideportiva municipal de Tías (Las Palmas de Gran Canaria).