O equipo da SG Pontevedra finalizou a tempada na Primera División na sétima posición. As atletas do equipo galego obtiveron un total de 65.5 puntos, coa participación destacada de Antía Chamosa, ouro nos 5000 metros marcha.
A fase final da competición celebrouse en Nucia, Valencia, e nela o Atletismo Alcorcón e o Tenerife Cajacanarias quedaron primeiro e segundo respectivamente, logrando o ascenso a Liga Iberdrola, onde o Ría Ferrol asegurou a súa permanencia.
Os resultados do SG Pontevedra na derradeira xornada
A SG Pontevedra competiu na derradeira xornada da tempada en Primera División, loitando polo ascenso á Liga Iberdrola, con preto dunha veintena de atletas en vinte probas.
Ao longo da xornada, as pontevedresas lograron un ouro, dúas pratas e un bronce. O primeiro posto foi obra de Antía Chamosa. A marchadora galega foi a mellor da proba nesta competición polo ascenso á máxima categoría, sendo claramente superior ás súas rivais. Cun tempo de 23:09.73, a atleta superoi en máis dun minuto á segunda clasificada.
PRIMERA DIVISIÓN – TÍTULO 🚺
5.000 metros marcha
1ª @antichamosa22 @SGimnastica 23:09.73🔗https://t.co/JbKCs9H1mw
📺https://t.co/g1yC2TPVay#CEclubes2021 #LigaIberdrola pic.twitter.com/YHvfJiVICa— atletismoRFEA (@atletismoRFEA) June 13, 2021
Unha das pratas foi para Cristina Garrido, segunda clasificada nos 100 metros, cunha marca de 12.12, a só 0.06 da vencedora.. A outra foi para o equipo do 4×100, formado por Raquel de la Torre, Cristina Garrido, Lucía Ferrer e Marta Barragáns quenes, ademais, acadaron o récord do club cunha marca de 47.74.
Ver esta publicación en Instagram
Por último, o medalleiro pontevedrés rematou con Andrea González, terceira no lanzamento de xavelina.
O resto de deportistas da SG Pontevedra obtivo resultados máis variados. María Ezquerro foi cuarta en lanzamento de disco, mentres que Iria Filgueira foi quinta en martelo. Pola súa banda, tanto Helena Súazrez en pértega como Sandra Carballo en peso, finalizaron na sexta posición.
En saltos, as pontevedresas qeudaron sétimas, con Andrea Villaverde no concurso de altura e Marta Barragáns no de lonxitude. No triplo salto, Eva Salvado foi oitava.
Nos metros listos, Natalia Meaños foi oitava na distancia de 200 metros, mentres que a velocista Eugenia Gil rematou cuarta nos 400 e Irene Barbé foi sétima nos 800. Nos 1.500 metros, Paula de la Torre clasificouse na sétima posición, igual que Candela Sánchez, na proba dos 3.000 metros.
Finalmente, o equipo de 4×400, formado por Natalia Meaños, Paula de la Torre, Irene Barbé e Eugenia Gil rematou na sétima posición do campionato.
