As probas atléticas galegas seguen o seu curso con cada vez maior normalidade e celebraron o pasado domingo o Campionato de Galicia por clubs en categoría Sub-20 e Sub-16. O torneo contou co patrocinio do Concello de Pontevedra. Na máxima categoría o equipo gañador foi o SG Pontevedra na modalidade feminina. Na Sub-16, o ouro feminino foi para o Atletismo Vila de Cangas.
As pontevedresas competiron en casa e lograron arrebatarlle o título de vixente campión ao Ría Ferrol, vencedor da edición do 2019 na Malata. A Sociedad Gimnástica sumou un total de 97 puntos. As vitorias individuais de Paula de la Torre nos 1.500m, Marta Barragáns por partida dobre nos 100m valos e en lonxitude, e Helena Suárez en salto con pértega deron o ouro ás locais. Segundo apunta o propio club, o grupo de participantes completouse con atletas de equipos filiais como: Carmen Aguiño (800ml) e Victoria Anna Cons (3.000ml) do San Miguel de Marín; Candela García (2.000m obstáculos) do Club Atletismo Sada e Alba Pérez (5.000m marcha) do Club Atletismo Negreira.
O podio conformouse coa presenza do Ourense Atletismo na segunda posición, con 92 puntos, e pola Escuela Atlética Lucense, terceira con 90.
O Vila de Cangas vence no Sub-16
Pola tarde celebrouse o Campionato de Galicia Sub-16. Nel, baixo un ambiente de deportividade e rivalidade, o Atletismo Vila de Cangas impúxose na categoría femenina cun total de 89 puntos seguidas nunha disputa moi axustada pola Atlética Lucense con 85 puntos, sendo terceiras o Atletismo Femenino Celta cun punto menos.
A atleta Cristina Taboada inaugurou a participación amarela na proba de lanzamento de xavelina, rematando terceira cun lanzamento de 21.66 m. Ariadna Becerra participou finalmente no concurso de altura, saltando 1,25 e sumando 2 puntos para o equipo cun 7º posto. Noa Piñeiro facía o mesmo posto na carreira de 300 m valados. Carmen Fraga remataba quinta na velocidade, 100 m.l. Uxia Sánchez repetía o mesmo posto na proba de 600 m.l. Gema Dacosta venceu no peso, Carmen Fraga foi cuarta na lonxitude e Lucia Gil tamén foi cuarta nos 1.000 m.l.
Tal e como recorda o propio Vila de Cangas na súa web, as seguintes probas afianzaron a posición do equipo no podio do Campioonato de Galicia por clubs. Nerea Malvido foi quen de entrar segunda nos 3.000 m., Agata Rodríguez, foi primeira nos 300 m.l., Iris Malvido, quinta en pértega, Gema Dacosta, primeira en disco e Sara Nerga, sexta en 1.500 m. obstáculos.
Finalmente, Agata Rodríguez foi quinta nos 100 m.v., sumando uns puntos importantes para non descolgar o equipo. Iris Malvido quedou terceira en 3.000 m. marcha e Lucia Gil cuarta no triplo. As dúas atletas colocaron ao equipo na terceira plaza a un so punto do At. Celta e a Atlética Lucense. Mentras todo isto ocorría, Noa Nerga comezaba no concurso de lanzamento de martelo, sendo capaz de asegurar a vitoria no primeiro lanzamento, por riba dos 33 metros.
Outras atletas destacadas
A Federación Galega de Atletismo quixo destacar na súa crónica a varias ateltas que lograron dobre trunfo na sub20: María Fernández do ADAS Proinor en 200 m. e 400 m.; Marta Barragáns da Sociedad Gimnástica en lonxitude e 100 valos; Paula Piñón do A.Femenino Celta en peso e disco.
De igual modo na categoría Sub16 lograron dous primeiros postos: Antía Pernas en 100 m. e lonxitude; Xela Martínez da Atlética Lucense en 300 valos e 1.500 obstáculos e Gema Dacosta do Vila de Cangas en peso e disco.
A Atlética Lucense foi un dos conxuntos que sobresaíron na competición do Campionato de Galicia por clubs. Malia non obter o ouro, as lucenses presentaron a catro equipos (como a SG Pontevedra e Ourense Atletismo) e logrou catro podios, ocupando a cuarta posición co equipo masculino sub16.
