Elda, destino das seleccións galegas sub 15 e sub17

A Comunidade Valenciana será o destino para as seleccions galegas sub 15 e 17. O partidos correspondentes ao Grupo E da segunda fase do Campionato de España de Seleccións Autonómicas xogaranse entre os días 13 e o 16 de febreiro na cidade de Elda. Neste Grupo E Galicia enfrontarase a Murcia e a Valencia nas dúas categorías.

A Federación de Fútbol da Comunidade Valenciana deu a coñecer este xoves a sede que albergará a segunda fase do Campionato de España Sub 15 e Sub 17 Feminino de Seleccións Autonómicas. O escenario elixido é o Estadio Municipal Nuevo Pepico Amat de Elda (Alacante). O Club Deportivo Eldense xoga actualmente neste estadio, inaugurado o 30 de setembro de 2012. Está catalogado coa categoría de estadio 2 estrelas pola FIFA. A capacidade do estadio é de 4.036 espectadores (740 asentos en dous fondos, 1.236 na bancada xeral e 1.320 en tribuna). Conta ademais con 120 asentos no palco.

Tras a primeira fase que se disputou en Bilbao (Lezama) o pasado mes de decembro, as galegas afrontan esta segunda fase da cita nacional con ganas e esperanza. As opción de xogar a fase final, tanto a Sub 15 que dirixe Susú Cores como da Sub 17 que prepara Quin Valbuena pasan por gañar os dous partidos e agardar resultados favorables.

O elenco Sub 15 regresou de Bilbao con 3 puntos de 6 posibles tras a súa derrota no primeiro encontro ante Cataluña (1-0) e a vitoria ante Aragón (4-0). Este último resultado permite que Galicia poida seguir soñando. A clasificación é a seguinte:

Algo máis difícil teno a Sub 17, a pesar de sumar 3 puntos de 6 posibles na primeira fase e dar unha boa imaxe. As de Quin Valbuena apurarán as súas opcións matemáticas ata o final e acudirán a Valencia co único obxectivo de pelexar para gañar os dous enfrontamentos. A clasificación tras a celebración da primeira fase en Bilbao é a seguinte:

Distribución dos Grupos

A RFEF deu a coñecer a distribución dos grupos para esta segunda fase do Campionato de España de Seleccións Autonómicas. O cadro é o seguinte: