- Hai licenza para soñar da man das Selección Galega Sub-12 tanto masculina coma feminina no CESA (Campionato de España de Seleccións Autonómicas.
Os equipos que representan ao fútbol sala de base galego pecharon este venres a súa participación na fase de grupos do Campionato de España de fútbol sala que se está disputando en Torrejón de Ardoz. Ambos os dous equipos liquidaron os seus respectivos compromisos con vitoria, aínda que a gran noticia leva a firma do equipo feminino, que selou o billete para loitar polo título estatal, segundo informa a Real Federación Galega de Fútbol (RFGF).
Ver esta publicación en Instagram
Selección Galega feminina Sub-12 fútbol sala
O combinado da Selección Galega preparado por Ana Mouzo pechou a fase de grupos ao grande. Tras a brillante vitoria na primeira xornada ante a sempre favorita Cataluña, as nosas fixeron hoxe os deberes ante Castilla-La Mancha (6-0) para certificar a primeira praza do grupo e acceder ás semifinais do Campionato de España.
Galicia buscará a súa praza na gran final este sábado ante Andalucía.
CONSULTA AQUÍ A FICHA DO PARTIDO
Selección Galega masculina Sub-12 fútbol sala
O equipo masculino da Selección Galega, tras a derrota ante Cataluña na estrea, refíxose este venres e derrotou a Castilla-La Mancha (5-4). Deste xeito, Galicia loitará a partir de mañá pola quinta praza na cita nacional.
CONSULTA AQUÍ A FICHA DO PARTIDO
Toda a información
Podes consultar toda a información deste Campionato de España nesta ligazón.
Ver esta publicación en Instagram
