A Selección Galega de Loita acude ao Campionato de España Sénior de Loitas Olímpicas, cunha representación de trece loitadoras e Nerea Vilas, do Colexio Galego de Árbitros, como colexiada.
Entre as deportistas que competirán nesta cita destaca Nerea Pampín, quen vén de clasificarse quinta no Campionato de Europa sub23. Tamén estará presente Lydia Pérez, quen estivo a piques de lograr o billete para os Xogos Olímpicos.
O evento terá lugar os días 28 e 29 de maio no CAR Infanta Cristina de San Javier, en Murcia, e as participantes de loita feminina estarán acompañadas por 23 loitadores das modalidades libre olímpica e grecorromana.
As loitadoras da Selección Galega proceden de sete clubs distintos, e conforman a seguinte lista de convocadas:
- Noelia Lalín, do Keltoi
- Alina Gradinaru, do Ayude
- Nerea Iglesias, do Ayude
- Aimara Osco, do Ciudad de Vigo
- Luana Figueiredo, do El Castro
- Nerea Pampín, do Keltoi
- Lydia Pérez, do Pontevedra
- Elisabeth Rodríguez, do San Ignacio
- Judit Pérez, do San Ignacio
- Cristina Rodríguez, do San Ignacio
- Vanesa Muíños, do San Ignacio
- Marta Rey, do San Ignacio
- Sabela Chan, do Lugo
