A pasada fin de semana celebrouse en Xetafe o Campionato de España de Campo a Través ao que acudía a Selección Galega de atletismo con 12 deportistas para as categorías femininas.
O grupo conformouse malia que as atletas non tiveron participado en ninguna proba da modalidade durante o presente ano polas limitacións e impedimentos derivados da situación sanitaria.
A pesar das dificultades, artellouse unha selección ca cal acudir ao Campionato de España e poder tomar parte nesta importante cita. A inactividade notariase a nivel xeral nos resultados no colectivo onde Galicia foi novena na categoría Sub20 feminino; décimas na Sub23 feminino e Sub20 masculino; décimo primeiros na absoluta masculina, e décimo sextos na Sub23 masculino.
O resultados das nosas atletas absolutas
Por parte da Selección absoluta feminina, Paula Mayobre do Running Pinto Seoane foi a que quedou en mellor posición, sendo a 18ª. Coa singularidade de que a corredora disputou boa parte do percorrido sen unha zapatilla que perdou nun momento da carreira. As pedras, foron unhas compañeiras inesperadas e non desexadas pola atleta galega en moitos quilómetros da proba.
A seguinte galega foi a internacional Uxía Pérez, do Playas Castellón, 32ª clasificada. Seguiuna Sandra Mosquera do Comesaña S.C., que quedou 47ª.
Tamén competiu a Subcampioa mundial en duathlon Sub20, a venezolana con ficha por Galicia Edymar Brea, do Ourense Atletismo, que quedou no posto 49º cun tempo 40:04. Por debaixo dela, na posición 62ª quedaría Laura Santos do Lucus Caixa Rural Galega.
Así quedaron as deportistas da Selección Galega sub23 e sub20
En categoría sub23, María Cedrón, de Atletismo Gándara foi a mellor posicionada, quedando na 20ª posición. Elena Costas do A.F. Celta, quedou 48ª na clasificación. Algo por debaixo, no posto 56 estivo María Carballido, do Atletismo Friol.
Nas competicións sub20 a galega que fixo unha mellor carreira foi Branca Fernández, do SM Martín, quedando no 25º posto. Cinco por debaixo dela clasificouse Carmen Martínez, do Atletismo Gándara.
Inés Docampo, do ADAS Proinor, foi a seguinte, quedando no 40º posto. E no 44º quedou Nerea Lage do Atletismo Friol.
