O EuroBasket está cada vez máis preto e a Selección Española segue a ultima detalles para chegar plentamente preparada, con tres galegas nas súas filas: Raquel Carrera, Tamara Abalde e Paula Ginzo.
Esta semana da comezo a segunda parte da Xira previa á competición continental, con dous amigables que enfrontarán ás vermellas contra Nixeria e Bélxica (Teledeporte).
O primeiro deles disputarase este mesmo xoves, 3 de xuño, ás 21:00 horas, mentres que o segundo terá lugar o sábado, ás 20:00 horas. O combinado seleccionado por Lucas Mondelo buscará deixar atrás as derrotas dos dous amigables contra Francia, para acumular boas sensacións antes do EuroBasket de Valencia (17-27 de xuño).
As 15 xogadoras da Selección
Lucas Mondelo contará con 15 xogadoras á súa disposición para competir nos dous amigables programados. Entre elas destaca a presenza de tres galegas, Raquel Carrera, Tamara Abalde e Paula Ginzo.
A primeira delas, e a máis xove, puido debutar coa camiseta vermella no primeiro amigable contra Francia e logrou ser a MVP do partido no segundo enfrontamento.
Raquel Carrera brilla no seu segundo partido como internacional, sendo a MVP do encontro
Para esta nova semana de amigables, as seleccionadas por Lucas Mondelo son:
- Silvia Domínguez
- Laia Flores
- Cristina Ouviña
- Laia Palau
- Maite Cazorla
- Queralt Casas
- Leo Rodríguez
- María Conde
- Alba Torrens
- Laura Quevedo
- Raquel Carrera
- Paula Ginzo
- Laura Gil
- Tamara Abalde
- Nogaye Lo
María Araujo, unha galega que non poderá estar
Unha lesión está a alonxar á baloncestista galega María Araujo destas competicións. A viguesa, que milita no Uni Girona, era unha das apostas fixas do seleccionador Lucas Mondelo. Pero unha lesión afasta hai semanas á deportista das canchas.
Hoxe mesmo, a deportista galega amosaba os seus avances na recuperación da súa lesión a través das redes sociais do club catalán. María Araujo operouse dun xeonllo, debido a unha lesión que afectaba tamén ao ligamento cruzado anterior (LCA) e o menisco interno.
La @Maria_Araujo8 segueix treballant a @clinicarihuma per recuperar-se de la lesió❗️💪#SomhiUni #SomhiMaria pic.twitter.com/HUMi0lbk1b
— Spar Girona (@unigirona) June 1, 2021
