A Selección Española de baloncesto, da que forman parte as galegas Raquel Carrera e Tamara Abalde, estrouse nos Xogos Olímpicos cunha vitoria ante Corea del Sur por un 69-73.
Abalde non participou neste encontro por decisión técnica de Lucas Mondelo, pero quen si o fixo foi a ourensá. Raquel Carrera puido disputar ata 09:43 minutos deste partido inaugural, anotando unha canastra de dous puntos, cun 33,3% de acerto nos tiros.
Debut con triunfo da Selección
Unha das favoritas ás medallas, a Selección Española, deu mostra no primeiro partido do seu alto nivel competitivos nestes Xogos de Toquio.
Os primeiros cuartos estiveron moi igualados, con lixeira vantaxe para as coreanas, pero as españolas conseguiron reaccionar a tempo para dominar o ritmo na segunda parte.
Cunha defensa contundente, o combinado español soubo facer fronte aos acertados ataques coreanos. A superioridade no rebote tamén foi clave na vitoria española, solventando un duelo rifado, e pavimentando o camiño cara o medalleiro olímpico.
O seguinte partido para Carrera e Abalde
Despois deste triunfo ante Corea, o seguinte rival da Selección Española e as dúas galegas será Serbia, o vindeiro xoves ás 10:20 horas.
