Lucía Prol e a Selección Española de voleibol estarán na Final Four da European Golden League. As vermellas precisaban dous sets para asegurar a súa presencia na loita polo título e os conseguiron ante Francia.
Neste duelo, as hispanas fixeron un gran inicio, pero tiveron que desempatar no cuarto set, no que non chegarían a entrar en xogo. No tie break, Francia superou ás pupilas de Pascual Saurín, pero as españolas xa obtiveran o pase á Final Four. Ao longo do encontro, a lucense foi quen de anotar dous puntos.
Desta forma, Lucía Prol e as súas compañeiras estarán presentes na loita polo título europeo que se disputará do 18 ao 20 de xuño en Ruse (Bulgaria).
Croacia será o rival de Prol e as Leonas
As Leonas regresan a esta fase final despois de loitar polo título na edición do 2019. Como xa fixeran hai dous anos, as españolas enfrontaranse a Croacia na semifinal.
Este será o primeiro rival das vermellas, mentres que na outra semifinal o partido será entre a República Checa e a propia Bulgaria, ambas vencedoras do torneo en anteriores ocasións. No anterior choque ante as croatas, as españolas perderon por un 3-1. Desta vez, España buscará a venganza e o acceso a súa primeira final.