A Real Federación Galega de Fútbol volve a apostar por sumarse ao Plan Corresponsables da Xunta de Galicia, unha iniciativa que promove a conciliación e a igualdade mediante a práctica deportiva.
Trátase dunha iniciativa consistente na contratación de monitores titulados para a posta en práctica de actividades lúdico-deportivas co fin de que pais e nais de fillos menores poidan conciliar a súa vida laboral e familiar, promovendo tamén a igualdade de oportunidades.
A RFGF programa xornadas de fútbol e fútbol sala en distintos concellos e os primeiros donde foi presentada a posta en marcha desta iniciativa foron Ferrol, Mondoñedo e Begonte.
O vicepresidente e responsable do fútbol sala na RFGF, Pablo Prieto, foi o encargado de presentar a iniciativa do Plan Corresponsables nos tres concellos, acompañando ao alcalde, José Ulla, no acto de Begonte, e aos concelleiros de Deportes en Mondoñedo (Manuel Tapia) e Ferrol (Ricardo Aldrey).
Todos os interesados poden recabar información sobre o Plan Corresponsables enviando un correo a corresponsables@futgal.es.
Desde a RFGF agradecen “a colaboración e boa predisposición dos concellos de Ferrol, Mondoñedo e Begonte, así como as doutros concellos que se irán sumando nos vindeiros días”.
