Por segunda vez, o partido entre o Dépor ABANCA e o Rayo Vallecano ten que ser adiado. A recuperación da sétima xornada da Liga Iberdrola estaba prevista para este mércores, 13 de xaneiro, pero o illamento de 15 xogadoras branquiazuis impide que se poida disputar.
O pasado 5 de novembro, detectouse un caso positivo en COVID-19 entre as xogadoras madrileñas do Rayo Vallecano, o que obrigou a aprazar o encontro.
Para a nova data, a historia case se repite, e un contacto estreito dunha quincena de herculinas cun positivo impide que se xoge o partido. Por iso, o club branquiazul solicitou á Real Federación Española de Fútbol o adiamento da cita, que finalmente se confirmou este martes.
Dous partidos do Dépor ABANCA teñen que ser aprazados
As xogadoras do Dépor ABANCA seguen confinadas, seguindo as medidas establecidas polas autoridades sanitarias. Mentres, tanto o club galego como o madrileño, así como o Real Betis, están negociando unha nova data, o máis próxima posible, para disputar os duelos que tiñan previsto as deportivistas.
O Dépor ABANCA volve ao traballo con só cinco xogadoras dispoñibles
