- Salma Paralluelo foi o revulsivo que España necesitaba para que agromase o seu fútbol e sobre todo, os goles.
- A Selección Española está na final da Copa do Mundo cunha galega nas súas filas: Tere Abelleira.
A futbolista espertou a ansia de marcar nunha Selección Española que ata a súa saída se limitaba a defenderse. Certamente facíao con criterio, seguridade e efectividade diante dunha Suecia que mandaba no campo. Pero do banco xurdiu a revolución Paralluelo e todo mudou. España pasou da contención á acción. A fame de marcar desta futbolista é tan forte como irrefreable.
Unha vez máis foi a mellor xogadora, e por iso, unha vez máis, foi elixida a MVP do partido. Desequilibrante, rápida, e letal. Así é Salma Paralluelo unha futbolista que foi tamén atleta que elixou a redonda sen deixar de empregar esa punta de velocidade para voar e correr máis rápido que as súas rivais cara á meta e asinar goles.
¡!! ¡¡!! ¡¡ !!
Un golazo decisivo y otra actuación memorable hacen que @SalmaParalluelo sea designada como la MEJOR JUGADORA de la semifinal del Mundial.
Bravo, Salma. ¡¡Qué futbolista(s) tenemos!!#JugarLucharYGanar I #FIFAWWC pic.twitter.com/XgH5LXvus2
— Selección Española Femenina de Fútbol (@SEFutbolFem) August 15, 2023
Desde que saltou ao campo a xogadora do Barça foi determinante para dotar a España de chegada, pegada e verticalidade. As súas asociacións con Jenni Hermoso levaron unha e outra vez perigo á meta sueca ata que chegou o gol.
Logo dunha primeira metade na que Suecia tiña á Vermella metida na súa área, concentrada en defenderse dos repetidos intentos das amarelas. España foi quen de meterlle pólvora ao balón cando empezábamos a pensar que se lle mollara toda nos pasos previos a chegar ata esta semifinal do Mundial.
O primeiro tempo foi das suecas
Na primeira metade Suecia achicou espazos e metou a España na súa área. Defendeu ben e moi concentrada a Selección Española. As futbolistas da Vermella estiveron moi atentas ás segundas xogadas aos rexeitamentos e ás coberturas. Unha última parcela na que brillou especialmente Tere Abelleira. Pero so defendéndose non se consigue avanzar nunha Copa do Mundo. España non chegaba á meta rival.
Para mudar esa situación, a entrada de Salma Paralluelo foi desequilibrante. España deixou de estar no seu campo e pasou a xogar máis en cancha rival e a controlar por fin a posesión.
Ata entón Suecia tiña o control a posesión e a chegada, pode que sen perigo real nos remates, pero controlando o partido. Grande a mallorquina Cata Coll sacando os balóns altos con mans e puños prodixiosos que evitaron que os tiros chegasen a dar coas mallas da meta que defendía.
Outra que traballou arreo na en tarefas defensivas foi Irene Paredes que freou unha e outra vez a capacidade de remate das suecas.
O cambio de Alexia Putellas por Salma Paralluelo foi determinante. Jorge Vilda conseguiu mudar ao todo un equipo simplemente con introducir a una futbolista. Unha peza no xadrez desta semifinal pode derivar nun xaque mate. Sobre todo se estamos ante unha raíña que se move con libertade, efectividade e verticalidade buscando as mallas e o balón a como dea lugar. As súas compañeiras parecían telo tan claro como ela: balóns a Salma Paralluelo. A pelota ía sempre cara á posición da futbalista vermella máis famenta de gol por que algo dicía nas cabezas das españolas que Salma ía saciar a súa fame de anotar si ou si.
E xa co partido en mans das españolas, no minuto 81 chegaba o tanto que abría a lata. Anotou Salma Paralluelo. Outra vez a futbolista culé marcaba neste Mundial. Outra vez, facía historia.
E cando España case se vía na final chegou o gol de Suecia que meteu o medo no corpo as vermellas. Ese empate, 1-1, a minutos para o final podería ter sido un xarro de auga fría pero España non baixou os brazos. Era o seu momento.
O 2-1 de España, froito dun córner botado por Abelleira
Parecía que a prórroga era inevitable cando a futbolista galega Tere Abelleira botou un córner que rematou Olga Carmona cun remate cruzado a media altura coa zurda que desata a tolemia nas españolas. O tiro converteuse no 2-1 e puxo a alfombra vermella no camiño á final dun Mundial para España. Un novo chanzo histórico ao alcance da man da Selección Española .
Os sete minutos de engadido foron eternos. Emborcouse ao ataque Suecia nos minutos finais pero España conseguiu aguantar o resultado. Orde, concentración e o obxectivo de estar na final como o mellor dos alicientes para non deixar pasar un balón.
Agotouse o tempo. Pitou o final a colexiada brasileira Edina Alves Batista. Histórico. España está na final do Mundial e unha galega, Tere Abelleira, é parte importante deste logro.
O seguinte soño será levantar a Copa do Mundo e adornar a camisola Vermella cunha estrela. Quen dixo medo?
¡¡¡, , !!!!
VAMOS A ESTAR EN LA FINAL DE UN MUNDIAL.
VAMOS A LUCHAR POR EL ORO.
¡¡OTRA CITA CON LA HISTORIA!!
#ESP – #SWE I 2-1 #JugarLucharYGanar I #FIFAWWC pic.twitter.com/8LzGyAFn5O
— Selección Española Femenina de Fútbol (@SEFutbolFem) August 15, 2023
FICHA TÉCNICA
2) ESPAÑA: Cata Coll, Ona Batlle, Irene Paredes, Laia Codina, Olga Carmona, Tere Abelleira, Aitana Bonmatí, Alexia Putellas (Salma Paralluelo 57´), Alba Redondo (Eva Navarro 72´), Mariona Caldentey (Esther González 95´) y Jennifer Hermoso.
1) SUECIA: Musovic, Jonna Andersson, Eriksson, Ilestedt, Bjorn, Asllani, Angeldal, Rolfö, Kaneryd (Schough 77´), Rubensson (Hurtig 87´) y Blackstenius (Blomqvist 77´).
GOLES: 1-0 | Salma Paralluelo (81´) al rematar de primeras, recogiendo un rechace dentro del área. 1-1 | Blomqvist (88´) remacha dentro del área tras dejada de Hurtig de cabeza. 2-1 | Olga Carmona (90´) de zurdazo desde fuera del área que sorprende a Musovic.
EQUIPO ARBITRAL: Edina Alves Batista (Brasil): Sen cartóns. Árbitras asistentes: Neuza Ines Back y Leila Cruz (Brasil). Cuarta árbitra: Melissa Borjas (Honduras). Árbitra asistente de vídeo: Nicolás Gallo (Colombia)
INCIDENCIAS: Semifinal da Copa do Mundo Femenina de Australia – Nueva Zelanda 2023. Partido disputado no Estadio Eden Park de Auckland (New Zealand). A bancada estivo chea e contou con 43.217 espectadores que asistiron en vivo a esta semifinal do Mundial. Seguiron o partido en directo desde o palco de autoridades os presidentes da Real Federación Española de Fútbol, Luis Rubiales, e da FIFA, Gianni Infantino, entre outras autoridades. Partido retransmitido pola 1 de TVE.
