Nas dúas últimas semanas, o Arxil acadou dúas vitorias en dous partidos moi importantes na Liga Feminina 2. O que fixo que se distanciaran dos postos de descenso en tres vitorias e o basketaverage a falta de dez xornadas. Agora mesmo está por riba dun dos equipos galegos como o Cortegada e estar empatados a puntos co Ausarta de Barakaldo, o equipo da galega Sara Cuíña.
As cousas no vestiario vense doutra maneira. Ante o Pozuelo, o plantel de Maite Méndez non xogou como desexaba a pesar de gañar por un 70 a 51. Sen embargo, no segundo partido disputado no CGTD contra o ADBA —no que gañaron por un 67 a 52— veuse un equipo moi sólido en defensa.
Acompañado dun gran ritmo de xogo e eficaz no ataque. Sobre todo volveu o xogo colectivo e iso se traduciu en menos pérdidas de balóns ca outros partidos. Ademais María Lago, foi a xogadora desta semana que máis recuperou, con catro.
O Arxil xoga esta fin de semana ante o líder da Liga Feminina 2
O C.B. Arxil volve a sorrir. Esta semana contou ca calor dos seus afeccionados e da cidade de Pontevedra. Desde o Concello quixeron darlle cariño a entidade verde. Fixéronno dun xeito especial varios concelleiros que acudion como uns afeccionados máis á bancada. Foi o caso do concelleiro de deportes, Agustín Fernández, a concelleira de Turismo Yoya Blanco Rial e o concelleiro, Guillermo Juncal Peñas. As gradas do CGTD estiveron repletas.
A directiva do equipo da cidade do Lérez agradeceu tanto aos afeccionados como o Concello o respaldo recibido nestas últimas semanas para acadar o mellor dos ambientes na cancha .
A competición non descansa esta fin de semana nesta categoría como si ocorre na Liga Endesa debido a cita do Preolímpico disputado en Belgrado no que estará presente a galega Tamara Abalde. Así, o sábado (8 de febreiro, ás 19.30 horas) visitan a cancha do pavillón Antonio Magariños. Alí atoparánse ó líder da competición, o Movistar Estudiantes. As madrileñas están nunha racha imparable posto que só foron derrotadas nunha única ocasión. O encargado, o equipo vigués, o Celta Zorka Recalvi.
