A Federación Galega de Baloncesto (FEGABA) comunica que a primeira parada do circuíto “3×3 URBAN – Deputación de Pontevedra”, prevista inicialmente para esta fin de semana en Vilagarcía de Arousa, reprográmase para os días 1 e dous de agosto por cuestións loxísticas.
A cita muda tamén a o seu escenario, pasando a celebrarse no Parque A Xunqueira, onde se ubicarán dúas pista de xogo oficiais.
A Federación Galega de Baloncesto (FEGABA) pide desculpas polas molestias causadas aos equipos que xa formalizaran a súa inscrición e agradece á Deputación de Pontevedra a súa comprensión e colaboración de cara a esta modificación. Ao mesmo tempo, anima a todos os equipos a seguir inscribíndose e a formar parte deste circuíto co seu novo calendario.
Inscricións no Circuíto 3×3 Urban
Desde este venres, 10 de xullo, permanece activo o novo prazo de inscrición para a cita do circuíto “3×3 URBAN – Deputación de Pontevedra” de Vilagarcía de Arousa, que se suma aos xa activos para as convocatorias do circuíto en Vigo (Puerto de Vigo, 18 e 19 de xullo) e A Estrada ( Praza do Concello, 25 e 26 de xullo).
A participación no circuíto é aberta a xogadores e xogadoras federados e non federados, en categorías dende Minibasket ata Júnior.
En cada sede, o circuíto “3×3 URBAN – Deputación de Pontevedra” organizarase en dúas xornadas: o primeiro día disputaranse as categorías Minibasket e Infantil, ambas mixtas, mentres que o segundo día será a quenda de Cadete e Júnior, con diferenciación entre competición feminina e masculina/mixta segundo o número de equipos inscritos.
Os equipos, formados por un mínimo de tres e un máximo de catro xogadores/as, deberán designar un responsable maior de idade que actúe como interlocutor coa organización. O número de prazas é limitado por categoría e sede, asignadas por orde de chegada das solicitudes.
Podes consultar nas seguintes ligazóns a Normativa do circuíto “3×3 URBAN – Deputación de Pontevedra”, así como os formularios de inscrición para cada sede están aquí dispoñibles:
